Fortresopreĝejo de Óföldeák

Fortresopreĝejo Sankta Maria Helpanto de Kristanoj
Fortresopreĝejo Sankta Maria Helpanto de Kristanoj
	Aerfoto pri fortresopreĝejo en Óföldeák
paroĥopreĝejo • defend-kirko • katolika preĝejo
Loko
Ŝtato	Hungario
Municipo	Óföldeák
Bazaj informoj
Religio	kristanismo
Rito	romkatolika eklezio
provinco	Csongrád
diocezo	Szeged-Csanád
dekanujo	Makó
Arkitektura priskribo
Konstrustilo	gotiko
Konstruado
Specifo
Konstrumaterialo	masonita
Ligiloj
	v • d • r

Fortresopreĝejo Sankta Maria Helpanto de Kristanoj estas gotika romkatolika historia monumento en Hungario, en vilaĝo Óföldeák.

Historio[redakti | redakti fonton]

Dokumento mencias en 1332 la vilaĝon kun preĝejo. Oni supozas, ke la nun videbla preĝejo konstruiĝis en la malfrua 15-a jarcento. Post jaroj defenda muro estis konstruita ĉirkaŭ la kirko kun turoj kaj bastionoj. (Ili jam malaperis, restis nur la preĝejo mem.) En fino de la la sekva jarcento la vilaĝo senhomiĝis pro la kontraŭturkaj bataladoj, nur en 1723 alvenis denove vilaĝanoj. La preĝejo baldaŭ estis trakonstruita, pro la trakonstruo la gotiko grandparte pediĝis, sed tiam estis konstruita la kasona plafono. En 1845 inundo forviŝis la vilaĝon, la loĝantoj fondis novan vilaĝon iom for. La nova funkcio de la preĝejo estis grenejo, sed oni metis la moveblaĵojn al la nova preĝejo. Paŝo post paŝo iom da homoj revenis al la iama vilaĝo, eĉ oni refondis la vilaĝon. En 1874 la preĝejo estis jam pligrandigita, en 1924 renovigita, samtempe turo estis konstruita. Arkeologoj esploris la preĝejon ekde 1989, en la sekva jardeko plena renoviĝo okazis.

Konstruaĵo[redakti | redakti fonton]

La preĝejo situas sola sur supozebla kurgano en rando de la vilaĝo. Remparo kaj defenda muro ĉirkaŭas la preĝejon, sed hodiaŭ kaj la muro, kaj la remparo nur apenaŭ estas videbla. Origine la muro estis 5 metrojn alta, la remparo 6 metrojn larĝa, 3 metrojn profunda. Tra malgranda ponto estas alirebla fasado de la preĝejo. En mezo de la simetria fasado funkcias la pordo. La navo apogita kun pilieroj formas briko. La sakristio estas baroka el la 18-a jarcento. Interne la ĉefaltaro prezentas la iamajn hungarajn kermesejojn. Sub la sanktejo kripto estis konstruita en 1759.