Giles Gilbert Scott

El Vikipedio, la libera enciklopedio
Saltu al: navigado, serĉo
La anglikana katedralo de Liverpool
Telefonbudoj konstruataj laŭ la desegno de Scott

Kavaliro Giles Gilbert SCOTT (n. la 9-an de novembro 1880 - m. la 8-an de februaro 1960) estis brita angla arkitekto.

Li estis ano de dinastio de arkitektoj. Lia patro estis George Gilbert Scott la pli juna, lia onklo John Oldrid Scott, kaj lia avo Kavaliro George Gilbert Scott: ĉiuj laboris kiel arkitektoj.

Li miksis modernismon kun la tradicio de la angla gotika reviviĝo. Li desegnis plurajn preĝejojn, kaj famis aparte pro la desegno de la anglikana katedralo de Liverpool, por kiu li venkis en konkurso en 1903. Li desegnis ankaŭ la tradician anglan ruĝan telefonbudon. Post ĝia detruo de bomboj en 1941, li desegnis novan ĉambron por la angla Ĉambro de Deputitoj.