Hedwig Courths-Mahler

El Vikipedio, la libera enciklopedio
Saltu al: navigado, serĉo
Hedwig Courths-Mahler en Germana poŝtmarko (1922)

Hedwig COURTHS-MAHLER [hedviĥ kurc-maler] (* la 18an de februaro 1867, † la 26an de novembro 1950) estis germana verkistino.

Naskiĝinte kiel eksteredzeca infano en Nebra (Saksio-Anhalto), ŝi frue forlasis la lernejon por labori kiel servistino kaj vendistino en Halle (Saale), Chemnitz kaj Lepsiko. Jam kiel junulino ŝi verkis amnovelojn kaj amromanojn; la unuan novelon ŝi publikigis en la jaro 1886 en gazeto. Post tre sukcesa verkista kariero ŝi mortis en 1950 en Rottach-Egern, Bavario.

La verkaro de Hedwig Courths-Mahler konsistas el pli ol 200 titoloj, kiuj konstante pritraktas la samajn temojn: Persono el la malsupra tavolo de la socio atingas riĉecon kaj geamantoj malgraŭ obstakloj kaj intrigoj finfine kuniĝas. Malgraŭ tiuj kliŝoj kaj la el nuntempa perspektivo ege konservativa vidpunkto de la aŭtorino pri la rilatoj inter viroj kaj virinoj, la verkoj de Hedwig Courths-Mahler ĝis nun estas vaste legataj.

Listo de verkoj[redakti | redakti fonton]

  • Die wilde Ursula (romano, 1912)
  • Griseldis´ (romano, 1916)
  • Ich will (romano, 1916)
  • Meine Käthe (romano, 1917)
  • Eine ungeliebte Frau (romano, 1918)
  • Die schöne Unbekannte (romano, 1918)
  • Der Scheingemahl (romano, 1919)

Eksteraj ligiloj[redakti | redakti fonton]