Hugh Laurie

El Vikipedio, la libera enciklopedio
Saltu al: navigado, serĉo
Hugh Laurie
Hugh Laurie
angla aktoro
Naskiĝo 11-a de junio 1959
en Oksfordo, Oxfordshire, Anglio
Portalo pri Homoj
v  d  r
Information icon.svg

James Hugh Calum LAURIE([d͡ʒeɪmz ], Esperantigite Ĝejmz Hju Kelam Lori), OBE (11-a de junio 1959) angla aktoro, humuristo, verkisto kaj muzikisto.

Vivo[redakti | redakti fonton]

Laurie estis infano en Oksfordo. Post sia maturekzameno li lernis en Universitato de Cambridge, kie li studis antropologion kaj arĥeologion. Ĉi tie li aliĝis al la universitata aktortrupo nomita Cambridge Footlights, kiu signis al multaj britaj aktoroj saltotabulon al la famo. En la jaro 1980 en Edinburgh, dum la Festivalo Fringe interkonatiĝis kun Stephen Fry, kun kiu poste (1986-1995) ĉe BBC en komediserio A Bit of Fry and Laurie ili faris sukcesan paron. En 26 partoj de tiu serio Laurie kunlaboris ankaŭ kiel filmscenaristo.

Hugh Laurie aktoras ĉefe en multaj komediserioj, kaj tiuj roloj famigis lin ĉefe (ekz. La Nigra Vipero). Krom tiuj li rolis ankaŭ en artfilmoj, inter aliaj en komedioj: Jarfinaj tondroj (1992), 101 Dalmathundoj (1996), Eble bebo (2000). Lia plej konata filmo kreiĝis el la infanlibro, tio estas la filmo Stuart Little (1999).

Li ĉefrolas Doktoron Haŭs en la usona hospitalserio House, pro kiu en la jaro 2005 li estis proponita por Emmy-premio. En 2006 kaj en 2007 li gajnis Golden Globe-premion. En 2008 pro la sama li estis „nur” proponita. Krom la filmroloj li ludas multajn muzikinstrumentojn, kaj de la fino 2006 li ludas pianon en la aktora muziktrupo Band from TV.

En la Novjara Listo de honoroj de 2007 li ricevis britan ŝtathonoron OBE (Officer of the Order of the British Empire) pro siaj servoj al dramo.

Laurie edziĝis kun Jo Green en 1989, kaj ili havas tri infanojn, Bill, Charlie kaj Rebecca.

Eksteraj ligiloj[redakti | redakti fonton]