Kasbaho de Alĝero

Kasbaho de Alĝero
medinkvartalo • urba areo • Kasbaho
Administrado
Demografio
Geografio
Geografia situo	36° 47′ N, 3° 4′ O (mapo)36.783333.06028Koordinatoj: 36° 47′ N, 3° 4′ O (mapo) [+]
Areo	0,6 km² (60 ha) [+]
Horzono	UTC+01:00 [+]
	Kasbaho de Alĝero (Alĝerio) Kasbaho de Alĝero
	Situo de Kasbaho de Alĝero
Alia projekto
	Vikimedia Komunejo Casbah of Algiers [+]
Monda heredaĵo
	La Kasbaho
Lando	Alĝerio
Tipo	Kultura
Kriterioj	(ii) (iv)
Fonto	565
Regiono**	Afriko
Geografia situo	36° 47′ 0″ N, 3° 3′ 37″ O (mapo)36.7833333333333.0602777777778
	Registra historio
Registrado	1992 (16-a sesio)
	* Traduko de la nomo en la listo de la monda heredaĵo.; ** Regiono laŭ Unesko.
	v • d • r

La Kasbaho (arabe قصبة:, qaṣba, kio signifas citadelon) estas la citadelo de Alĝero en Alĝerio kaj la malnova urbocentro ĉirkaŭ ĝi. En 1992, la Organizaĵo de Unuiĝintaj Nacioj por Edukado, Scienco kaj Kulturo (Unesko) proklamis la Kasbahon de Alĝero Monda Kulturheredaĵo, ĉar "Tie estas la restaĵoj de la citadelo, malnovaj moskeoj kaj Otoman-stilaj palacoj, ankaŭ la restaĵoj de tradicia urba strukturo kiu rilatas al profunda sento de komunumo"^[1].

Historio[redakti | redakti fonton]

La Kasbaho de Alĝero estis fondita sur la restaĵoj de la antikva urbo Icosium en la 10-a jarcento. Ĝi estis urbo konstruita sur monteto, apud la maro, disigita en "Alta urbo" kaj "Malalta urbo". Tie estas konstruaĵoj kaj moskeoj kiuj datiĝas de la 17-a jarcento, kiel: la Moskeo Keĉaŭa (konstruita en 1794 de la Dejo Baba Hassan) kun du minaretoj; la Moskeo Ĵama'a al-Ĵedid (konstruita en 1660, dum la Otomana regado) kun granda kupolo kaj aliaj kvar malgrandaj kupoloj; la Moskeo Ĵamaa el Kebir (signife la plej granda, sed ankaŭ la plej antikva), konstruita en 1097 de la almoravida reganto Jusuf ibn Taŝfin; kaj la Moskeo Ali Biĉin (kontruita en 1623). La Kasbaho ankaŭ enhavas plurajn palacojn kiel: Palaco Dar Aziza, Palaco Dar Mustafa Paŝa, Palaco de la Dejo kaj Palaco Dar Hassan Paŝa kiu estis konstruita en 1791 por la Paŝao, kiu vivis tie dum ok jaroj^[2].

Antaŭ la franca regado, la Kasbaho enhavis ĉirkaŭ 13 Jama Masjidoj (kongregaciajn moskeojn), 109 moskeojn, 32 maŭzoleojn kaj 12 "Zaŭijoj", entute 166 religie rilatajn konstruaĵojn. Tamen, la plimulto de tiuj religiaj konstruaĵoj estis detruitaj dum la okupo. En 1862, estis nur naŭ Jama Masjidoj, 19 moskeoj, 15 maŭzoleoj kaj kvin "Zaŭijoj"^[3].

La Kasbaho ludis gravan rolon dum la Alĝeria Milito de Sendependeco (1954–1962). La Kasbaho estis centra por la Nacia Liberiga Fronto (NLF), kaj tie okazis bataloj.