Metroo de Moskvo

Reviziita versio de ĉi tiu paĝo, aprobita je 30 jun. 2014, estis bazita sur ĉi tiu versio.

Metroo de Moskvo estas metroo en Moskvo, ĉefurbo de Rusio. Ĝi estas la plej ŝarĝita metropoliteno en la mondo kaj en ĉiu labora tago veturigas ĝis 9 milionoj da pasaĝeroj.

Linioj

Koloroj en la tabelo estas la samaj kiel en la skemo. Datumoj estas por la jaro 2013.

#	Nomo	Jaro de malfermo	Longo	Tempo de veturo
010	Ruĝa XXXX - Sokolniĉeskaja - Сокольническая	1935	26,1 km	40 min
020	Verda XXXX - Zamoskvoreckaja - Замоскворецкая	1938	39,9 km	56 min
030	Blua XXXX - Arbatsko-Pokrovskaja - Арбатско-Покровская	1938	45,1 km	67 min
040	Helblua XXXX - Filovskaja - Филёвская	1935	14,9 km	23/12 min
050	Cirkla XXXX - Кольцевая	1950	19,3 km	30 min
060	Oranĝkolora XXXX- Kaluĵsko-Riĵskaja - Калужско-Рижская	1958	37,6 km	56 min
070	Violkolora XXXX - Tagansko-Krasnopresnenskaja - Таганско-Краснопресненская	1966	40,5 km	56 min
080	Flava XXXX - Kalininskaja - Калининская	1979	16,3 km	21 min
090	Griza XXXX - Serpuĥovsko-Timirjazevskaja - Серпуховско-Тимирязевская	1983	41,2 km	58 min
100	Helverda XXXX - Lublinsko-Dmitrovskaja - Люблинско-Дмитровская	1995	28,0 km	44 min
110	Verdblua XXXX - Kaĥovskaja - Каховская	1984	3,3 km	5 min
	Leĝera XXXX - Butovskaja - Бутовская	2003	10,0 km	18 min

Sume 325,4 km.

En la skemo estas ankaŭ unurelvoja linio M1, kiu ĝis 2008 funkciis en ekskursa reĝimo: ekde la 8a ĝis la 20a horo kun 20-minutaj intervaloj; bileto kostis kelkoble pli ol en metroo. Ekde la 10-a de januaro, 2008 ĝi funkcias en transporta reĝimo. Ekde la 1-a de januaro, 2013 biletoj de Moskva metroo estas uzeblaj ankaŭ tie.

En Moskvo ekzistas sekreta metroa linio, konstruita dum la stalina epoko, pri kiu oni scias malmulte.

Stacioj

Pli detalaj informoj troveblas en artikolo Listo de stacioj de Moskva metroo.

Moskva metroo enhavas 194 funkciantajn staciojn. Kelkaj stacioj estas konstruataj.

Unuaj malfermitaj stacioj (la 15-an de majo 1935): 010 "Sokolniki", "Krasnoselskaja", "Komsomolskaja", "Krasnije Vorota", "Kirovskaja", "Dzerĵinskaja", "Oĥotnij Rjad", "Biblioteka Imeni Lenina", "Dvorec Sovetov", "Park Kulturi Imeni Gorjkogo", 040 "Ulica Kominterna", "Arbatskaja", "Smolenskaja".
Lastaj malfermitaj stacioj (la 9-an de novembro 2013): 070 Lermontovskij Prospekt, Ĵulebino.

Biletoj

Ĉi tiu artikolo aŭ sekcio estas ĝisdatigenda.

Bonvolu aldoni freŝajn novaĵojn por pli kompleta informo.

En Moskva metroo aspektoj de biletoj ofte ŝanĝiĝas. Ekde la 1-a de januaro, 2013 oni uzas novan komunan bileton por veturoj en metroo kaj surtera transporto.

Magneta bileto de moskva metroo por 20 veturaĵoj. Ĝi estas kartona, de amplekso 84*54 mm. Ĝi jam estis uzita 9 foje, do ĝi validas por ankoraŭ 11 fojoj (nombro "11" en la fino de tria linio sur la dorsa flanko).

Teksto sur vizaĝa flanko de la bileto:

"Moskva metropoliteno

Bileto № ...

Sur rea flanko de la bileto dum vendo en du unuaj linioj sinsekve estas skribitaj: limo de kvanto da veturaĵoj, kosto, lasta tago kiam oni devas komenci uzi la bileton. (vere en tiu bildo ĉi tiuj linioj estas du antaŭlastaj, ĉar sur ĵus vendita bileto estas nur tri lastaj linioj)

Dum la unua uzo informo pri periodo de uzado estas printata. (en la unua linio)

Veturigado de pakaĵo pagatas aparte.

La bileto bezonas gardan konservon kaj uzon.

Konservu la bileton ĝis fino de la veturaĵo.

Falsado de biletoj estas punata laŭ leĝo."

Legu E-lingvajn konsilojn — Kiel uzi Moskvan metroon.

Teknikaj detaloj

Funkcias ekde 5.30 ĝis 1.00 ĉiutage. Larĝo de trako estas 1520 mm. Pasaĝeraj trajnoj estas elektraj kaj prenas elektron de tria relo. Tensio estas 750 V (en bornoj de subcentraloj — 825 V). Maksimuma rapideco — 80 km/h. Averaĝa rapideco kun haltoj — 42 km/h. Intervaloj — minimume 90 sekundoj, maksimume 10 minutoj (nokte, je la linio Aleksandrovskij Sad - Meĵdunarodnaja pli longe).