Meyer Werft

El Vikipedio, la libera enciklopedio
Saltu al: navigado, serĉo
La ŝipfarejo
La Disney Dream en la ŝipfarejo
La AIDAbella en la ŝipfarejo
La Norwegian Jewel (Foto:Christian Brinkmann)

La Meyer Werft estas granda germana ŝipfarejo, kun stabo en Papenburg. Ekde 1997 ĝi estas parto de la Meyer Neptun Group kune kun Neptun Werft en Rostock.

Ĝi fondiĝis en 1795 kiel ŝipfarejo por konstruado de lignaj ŝipoj, Josef Lambert Meyer startis la konstruadon de feraj ŝipoj en 1874. Ĝis 1920 estis pli ol 20 ŝipfarejoj en la Papenburga areo. Hodiaŭ, Meyer Werft estas la nura restanta ŝipfarejo en Papenburg. Dum pli ol ses generacioj ĝi estis private tenata kaj familie posedata kompanio.

Ĝi akiris internacian agnoskon pro la konstruado de enkamionaj pramoj, pasaĝeraj pramoj, dizelaj ŝipoj, kontenerŝipoj, brutarpramoj kaj plej freŝdate luksaj plezurkrozoŝipoj.

Meyer Werft havas unu el la plej grandaj kovritaj karenejoj de la mondo. La unua kovrita doko estis inaŭgurita en 1987 kaj estis 370 metroj longa, 101,5 metroj larĝa kaj 60 metroj alta. En 1990/91 la doko estis pligrandigita per aldonaj 100 metroj. En 2000 dua kovrita doko estis konstruita kiu post pligrandigo nun (2009) havas longon de 504 m larĝon de 125 m kaj alton de 75 m.

Meyer estas unu el la plej grandaj kaj modernaj ŝipfarejoj de la mondo kun 2 300 dungitoj. Ĝi estas specialigita en plezurkrozoŝipoj de Panamax formato por la ŝipkompanioj Royal Caribbean International kaj Norwegian Cruise Line (posedata de Star Cruises). Ekde 2006, ĝia plej freŝdata projekto estis la konstruo de la NCL America Pride of Hawaii. Ĝi ankaŭ liveris la Norwegian Pearl al Norwegian Cruise Line en novembro 2006. Nuntempaj plezurkrozoŝipaj projektoj inkludas Norwegian Gem por Norwegian Cruise Line kaj Celebrity Solstice por Celebrity Cruises (posedata de Royal Caribbean Cruises). Meyer Werft ankaŭ konstruas du novajn ŝipojn por Disney Cruise Line.

Pro ĝia supreflua situo ĉe la rivero Emso, La gigantaj liverotaj ŝipoj devas fari 36 kilometran vojaĝon al la Dolarda golfeto kaj tio altiras ĉiufoje milojn da spektantoj. Ĝis la finkonstruo de la baraĵo en la Emso ("Emssperrwerk") en 2002 la vojaĝo nur eblis dum alta tajdo.

Ŝipoj konstruitaj je la Meyer Werft GmbH (elekto)[redakti | redakti fonton]

Mendolibro + liverdatoj[redakti | redakti fonton]

Liverdato Nomo Grandeco (RT) Mendinto/Posedanto/Ekspluatonto Rimarkoj
2014 Norwegian Getaway 143.500 Flago-de-Usono.svg Usono Norwegian Cruise Line Krozoŝipo
2014 Quantum of the Seas 167.000 Flago-de-Usono.svg Usono Royal Caribbean Cruises Krozoŝipo, 4.100 Pasaĝeroj
2015 Anthem of the Seas 167.000 Flago-de-Usono.svg Usono Royal Caribbean Cruises Krozoŝipo, 4.100 Pasaĝeroj
2015 Sonne Bundesministerium für Bildung und Forschung Esplorŝipo
2015 Projekto „Breakaway + 163.000 Flago-de-Usono.svg Usono Norwegian Cruise Line Krozoŝipo, 4.200 Pasaĝeroj
2017 Projekto „Breakaway +, Mendo ĝis nun nur opcia 163.000 Flago-de-Usono.svg Usono Norwegian Cruise Line Krozoŝipo, 4.200 Pasaĝeroj
Ŝipfarejhalo kun Norwegian Gem
La Disney Fantasy konstruata


Eksteraj ligiloj[redakti | redakti fonton]