Emso

El Vikipedio, la libera enciklopedio
Saltu al: navigado, serĉo
Emso
Emslauf.png
Situo de la Emso
Longeco 371 km
Alteco de la fonto 134 m
Meznombra trafluo 79,8 m³/s
Akvokolekta areo 18 000 km²
Alfluantoj en Germanio
Alfluas al Norda Maro
Alteco de la enfluejo 0 m
Rivero en Eŭropo
v  d  r
Information icon.svg

Emso (germane: Ems nederlande: Eems) estas rivero en la okcidenta parto de Germanio. Ĝi fluas tra la federaciaj landoj Nordrejn-Vestfalio kaj Malsupra Saksio (Emslando). Ĝi elteriĝas en la pejzaĝo Senne ĉe la Teŭtoburga Arbaro en Germanio (apud Bielefeld) kaj enfluas tra la Dolardo kaj la Vadomaro al la Norda Maro.

La longo estas 371 km, el kiu 238 km estas ŝipveturebla. La Emso-Jadokanalo formas ligon kun la rivero Jado (Jade). La Dortmundo-Emsokanalo iras grandparte paralele je la Emso.

Unu el la branĉoriveretoj estas la Haso (Hase). Ĝi fontas en la Teŭtoburga Arbaro kaj disforkiĝas ĉe duforkaĵo en la Elso (Else), kiu iras al la Vezero (Wezer), kaj la vera Haso kiu ĉe Meppen enfluas la Emson.

Urboj laŭlonge la Emso estas: Telgte, Greven, Emsdetten, Rheine, Lingen, Haren, Meppen, Lathen (kun la testotrako de la glistrajno), Papenburg (kun la ŝipkonstruejo de la firmao Meyer), Leer kaj Emden.

La Emso iras tra la Vadomaro kiel Okcidenta Emso (Westereems) inter la insuloj Rottumeroog kaj Borkum.

La nederlanda komunumo Eemsmond prenis sian nomon de la situo ĉe la buŝo de la rivero.