Monmouth Heritage Trail

Mapo de Monmouth Heritage Trail kaj situo de vidindaĵoj kun Bluaj Platoj

La Monmouth Heritage Trail estas promena itinero kiu ligas plurajn vidindaĵojn en la urbo Monmouth, Kimrio.

En 2009 "Monmouth Civic Society" identigis 24 historiajn kaj interesajn konstruaĵojn en la urbo, kaj organizis produktadon kaj almeton de ceramikaj t.n. "blue plaque" (bluaj rondformaj platoj) al ili. La platoj estis faritaj de Ned Heywood de Chepstow, per ŝtona korpo kaj reliefa teksto en ambaŭ angla kaj kimra lingvoj, finpretigitaj per blua glazuro. La spaco por teksto estis limigita, kaj ĉiu plato surhavas etan resumon pri la graveco de la konstruaĵo en la urbo.

Ekzemplo de Blua Plato: Granda Kasteldomo

Kelkaj elektoj estas evidentaj, kiel la Ponto Monnow kaj Shire Hall, ambaŭ simboloj de la urbo, sed aliaj estis multe malpli konataj, kiel la Ĝardeno Nelson aŭ Metodista Preĝejo de Monmouth, eĉ se la enloĝantoj preterpasas ilin ĉiutage. Vizitanto kaj interesitaj enloĝantoj povas lerni pli multe aĉetante Gvidlibron kiu enhavas priskribon kaj fotojn de ĉiu konstruaĵo, kio kondukas la vizitanton laŭlonge de "Heritage Trail" tra la urbo. La mapo kaj listo de konstruaĵoj kun Blua Plato estas montrita sube.

Informoj de la Gvidlibro estas haveblaj en la kimra, sed ambaŭ kimra kaj angla versioj estos haveblaj en Wikipedia, rilate al la unuopaj konstruaĵoj, kiel parto de la "MonmouthpediA" projekto celanta havigi al vizitantoj informojn pri ĉiuj aspektoj de la urbo per QRpedia QR Kodoj.

Vidindaĵoj

N-ro	Vidindaĵo	Bildo	Dato	Koordinatoj
1	Domo Drybridge		1671	51°48′32″N 2°43′24″U
2	Preĝejo St. Thomas Martiro		ĉ. 1170	51°48′30″N 2°43′14″U
3	Ponto Monnow		13-a jarcento	51°48′32″N 2°43′12″U
4	Gastejo The Robin Hood		malfrua mezepoko	51°48′34″N 2°43′10″U
5	Romia Fuorto		ĉ. 55 A.D.	51°48′16″N 2°43′24″U
6	Hotelo Kings Head		17-a jarcento	51°48′43″N 2°42′58″U
7	Shire Hall		1724	51°48′43″N 2°42′56″U
8	Granda Kasteldomo		1673	51°48′46″N 2°42′59″U
8	Market Hall		1830-aj jaroj	51°48′47″N 2°42′55″U
10	Priorejo de Monmouth			51°48′49″N 2°42′51″U
11	Prioreja Preĝejo St. Mary		18-a/19-a jarcentoj	51°48′48″N 2°42′50″U
12	Provinca Malliberejo de Monmouth		1780-aj jaroj	51°49′01″N 2°42′47″U
13	The Rolls Hall		1887	51°48′47″N 2°42′40″U
14	Juĝistaj Loĝejoj		18-a jarcento	51°48′47″N 2°42′43″U
15	Dispensario		1860-aj jaroj?	51°48′47″N 2°42′38″U
16	Metodista Preĝejo de Monmouth		1837	51°48′43″N 2°42′36″U
17	Romkatolika Preĝejo St. Mary		1793	51°48′44″N 2°42′47″U
18	Hotelo Angel (Monmouth)		17-a jarcento?	51°48′46″N 2°42′51″U
19	Teatro Savoy		19-a jarcento	51°48′46″N 2°42′52″U
20	Gastejo The White Swan		rekonstruita en 1839	51°48′32″N 2°43′23″U
21	Agincourt House		17-a/19-a jarcentoj	51°48′45″N 2°42′54″U
22	Hotelo The Beaufort Arms		1830-aj jaroj	51°48′43″N 2°42′54″U
23	Mineralakva farejo de Hyam		1866	51°48′40″N 2°42′50″U
24	Ĝardeno Nelson		nom. 1802	51°48′40″N 2°42′56″U