Muzeo de Neolitikaj Loĝejoj en Stara Zagora
| Muzeo de Neolitikaj Loĝejoj en Stara Zagora | |||
|---|---|---|---|
 | |||
| muzeo | |||
| Lando | Bulgario vd | ||
| Situo | Stara Zagora Municipality | ||
| Adreso | 20 Armeyska Strato | ||
| Estiĝo | 1979 | ||
| Koordinatoj | 42° 25′ 27″ N, 25° 36′ 36″ O (mapo)42.424325.6101Koordinatoj: 42° 25′ 27″ N, 25° 36′ 36″ O (mapo) | ||
| |||
 Muzeo de Neolitikaj Loĝejoj en Stara Zagora | |||
| Parto de | 100 Tourist Sites of Bulgaria vd | ||
La Muzeo de Neolitikaj Loĝejoj (bulgare Музей „Неолитни жилища“) en la bulgara urbo de Stara Zagora enhavas la restaĵojn de la plej bone konservita duetaĝa neolitika loĝejo en Eŭropo. En 1984, la muzeo estis inkluzivita en la liston de Monda heredaĵo de Unesko [1].
Historio[redakti | redakti fonton]
En 1969, dum elfosadoj de tumulo 8,5 metrojn alta kaj 90 metrojn en diametro en la okcidenta parto de Stara Zagora, estis malkovritaj bone konservitaj restaĵoj de forbrulita neolitika loĝejo devenanta de la komenco de la sesa jarmilo a.K. La konstruaĵo havis du plankojn kaj estas la plej bone konservita duetaĝa strukturo de tiu periodo en Eŭropo. La trovaĵo estis konservita kaj ĉirkaŭ ĝi konstruiĝis muzeokomplekso, kiu iĝis branĉo de la Stara Zagorsk Historia Muzeo [2][3] .
La domo havis dimensiojn de 10 × 5,8 metroj, altecon de 7 metroj kaj estis dividita en tri ĉambrojn (du sur la unua etaĝo kaj unu sur la dua), en kiuj vivis tri familioj. La strukturo konsistis el palisoj enpelitaj en la teron, interplektitaj per bastonoj kaj kovritaj per miksaĵo de argilo kaj pajlo. Laŭ la nordaj muroj de la ĉambroj estis fornoj, kiuj nun estas la plej bone konservitaj ekzemploj de Neolitikaj fornoj. Kiel rezulto de la fajro, la forno kaj hejmaj iloj de la duaetaĝa ĉambro falis sur la unuan etaĝon. Diversaj ŝtonaj iloj kaj ornamadoj pluvivis, inkluzive de ŝtonaj manmueliloj por greno, same kiel ceramikaj vazoj de diversaj formoj kaj ornamadoj (proksimume 60 en ĉiu ĉambro), inkluzive de grandaj ceramikaj grenejoj. Tri ceramikaj kolonoj kun branĉoj ĉe la pinto, similaj al la kornoj de virbovo, estis trovitaj en la domo. Ili estas konsiderataj altaroj por religiaj ritoj [2].
Dum elfosadoj oni malkovris semojn de diversaj agrikulturaj kultivaĵoj: tritiko, hordeo, lentoj, vicio [4]; same kiel vinbersemoj, kvankam la ekzisto de vinfarado inter la loĝantoj de la domo ne estas konfirmita [5].
Objektoj trovitaj en la antikva konstruaĵo estis lasitaj ĉe la lokoj kie ili estis trovitaj. En la kelo de la muzea komplekso estas ekspozicio nomita “Primitiva Arto en la Urbo de Stara Zagora”, prezentanta la plej bone konservitajn objektojn el tiu ĉi kaj aliaj neolitikaj setlejoj: skulptaĵoj, juvelaĵoj kaj diversaj laboraj kaj hejmaj iloj [2].
La ekspozicio inkluzivas la plej malnovan marmorskulptaĵon trovitan en Bulgario (6-a jarmilo a.K.), prezentante inan korpon kun masiva subaĵo. Ŝi estas konsiderata objekto de fekundeca kulto, bildo de la patrindiino. Iuj aliaj skulptaĵoj prezentas homojn kun levitaj brakoj, kio estas komparata kun la kulto al la Suno [4].
Referencoj[redakti | redakti fonton]
- ↑ Two neolithic dwellings with their interior and household furnishings and utensils completely preserved. UNESCO World Heritage Centre. Arkivita el la originalo je 2020-06-22. Alirita 2020-03-19.
- ↑ 2,0 2,1 2,2 Музей «Неолитные жилища». Региональный исторический музей Стара Загора. Arkivita el la originalo je 2020-03-19. Alirita 2020-03-19.
- ↑ Regional Museum of history - Stara Zagora. Arkivita el la originalo je 2011-07-24. Alirita 2011-02-10.
- ↑ 4,0 4,1 Музей „Неолитни жилища”, град Стара Загора. Alirita 2020-03-19. [rompita ligilo]
- ↑ Стара-Загора – город с богатым прошлым. RusBG. Arkivita el la originalo je 2017-03-15. Alirita 2020-03-19.