National Geographic Society

El Vikipedio, la libera enciklopedio
Saltu al: navigado, serĉo
1915NatGeog.jpg

National Geographic Society (Esperante: Nacia Geografia Societo) estas usona societo, kiu sin dediĉas al la mondvasta progresigo de la geografio, arkeologio, naturscienco, ekologio, esploro de monda kulturo kaj historio. Mondskale ĝi estas unu el la plej grandaj neprofitaj sciencaj kaj edukaj organizaĵoj.

Societo[redakti | redakti fonton]

La societo estis fondita je la 27-a de januaro 1888 fare de 33 personoj kiel klubo de elitaj scienculoj-akademianoj kaj riĉaj patronoj, interesantaj vojaĝi. Ili kunvenis por la unua fojo du semajnojn pli frue, je la 14-a de januaro, por diskuti pri "la dezirindeco de societo por plivastigi kaj propagandi la scion pri geografio". La unua prezidanto de la societo estis Gardiner Greene Hubbard, kiu poste estis sekvita de sia bofilo Alexander Graham Bell.

La celo de la societo estis kaj ĝis nun estas la progresigo de la publika scio de la geografio en la mondo ĝenerale. Kiel unu el la plej grandaj edukaj kaj sciencaj senprofitaj organizaĵoj de la mondo ĝi klopodas per variaj manieroj efektivigi sian celon. Tiel ĝi eldonas monatan revuon, National Geographic Magazine, financas sciencajn ekspediciojn kaj subtenas sciencan geografian esploradon.

Krom la usona eldono, National Geographic Magazine aperas tutmonde en 37 lingvoj, inter ili la portugala (2 diversaj eldonoj por Portugalio kaj Brazilo), la hebrea (2 versioj), la hispana (2 - por Hispanio kaj Latinameriko) kaj la ĉina (2 - en mandarena kaj tajvana).

La unua eldono de la revuo havis nur 217 abonantojn. Nun la eldonkvanto estas 8,3 milionoj da ekzempleroj, nur en Usono - 5 milionoj monate. Statistike, ĉiuj eldonoj de la NGS atingas 360 milionojn da legantoj mondskale. Lasta versio en la ukraina aperis Aprile de 2013. Bedaŭrinde, ĝi ne aperas en Esperanto.

National Geographic Soc.gif

Vidu ankaŭ[redakti | redakti fonton]

Eksteraj ligiloj[redakti | redakti fonton]