Orontes

El Vikipedio, la libera enciklopedio
Saltu al: navigado, serĉo

La Orontesarabe Nahr al-Asi estas rivero en la sudokcidenta parto de Azio kun longo de ĉ. 400 km. Ĝi forkondukas akvojn de nordaj areoj de la Levanto al la Mediteranea Maro. La rivero fontas en la centra parto de Libano, en Valo Bekaa, poste fluas al nordo tra la paralelaj Lebanono kaj Anti-Lebanono kaj atingas tie Sirion. Oni konstruis ŝveligan digon; tiel estiĝis la Hims-akvodeponejo. Sekve la rivero trafluas nordokcidente de Hama la iam marĉan, nun produkteman, senmarĉan al-Ghab-basenon kaj alfluas Turkion. En Turkio ĝi plufluas okcidente kaj ĉe Samandan alfluas la Mediteranean Maron.

La rivero Orontes fluas plej ofte en fendovalo, kiu estas fakte la komenca parto de la Orientafrika fendosistemo.

La rivero ne estas ŝipebla, sed kiel akvuma fonto estas tre grava, precipe inter Hims kaj Hama kaj en al-Ghab. La riveregon Orontes alfluas la riveroj Kura Su kaj Odi Medani.

La plej gravaj apudriveraj komunumoj estas Hims, Hama kaj Antakya (la antikva Antioĥio).