Peklenica
Peklenica, hungare Bányavár [bAnjavAr] estas ne memstara vilaĝo en Kroatio, en distrikto Međimurje (provinco), en municipo de Mursko Središće. La historia hungara loknomo estis Pekelnica.
Bazaj informoj
- Areo: km²
- Loĝantaro: 1340
- Poŝtkodo: 40 315
- Aŭtokodo: ČK
- Telefonprefikso: +385 040
- 46° 29′ 45″ N 16° 28′ 15″ O / 46.49583 °N, 16.47083 °O (mapo)Koordinatoj: 46° 29′ 45″ N 16° 28′ 15″ O / 46.49583 °N, 16.47083 °O (mapo)
Situo
Peklenica situas laŭ flankovojoj, laŭ dekstra bordo de Muro (rivero). Mursko Središće troviĝas je 3, Čakovec je 14 km-oj.
Historio
La unua mencio pri la vilaĝo okazis en 1478 en formo "Pelkenycz". Longe oni lavis oron ĉe la riverbordo kaj minadis karbon. Ankaŭ la loka nafto estis konata, sed la produktado komenciĝis fine de la 19-a jarcento. En 1910 vivis en Bányavár 628 homoj (kroatoj en majoritato, hungaroj en minoritato). Ĝis Traktato de Trianon ĝi apartenis al Hungara reĝlando, al Zala (reĝa departemento), al distrikto de Csáktornya, poste al Reĝlando de serboj, kroatoj kaj slovenoj, ekde 1929 al Jugoslavio. En 1941 la germana armeo okupis la regionon kaj post 10 tagoj transdonis ĝin al Hungario. Ĝis 1945 tio estis parto de Hungario kaj poste denove apartenis al Jugoslavio. Ekde 1991 Peklenica estas parto de Kroatio.