Reĝa Geografia Societo
| Fondita en | 1830 |
|---|---|
| Mallongigo | RGS-IBG |
| Prezidanto | Sir Neil Cossons |
| Situo | Kensington, Londono, Britio |
| Membroj | 13 300 |
| Enspezo | £3.3 milionoj |
| Retejo | RGS IBG |
La Reĝa Geografia Societo (angle Royal Geographical Society) estas brita sciencista societo, fondita en 1830 kiel la "Londona societo pri geografio", cele al la progreso de geografiaj sciencoj, pro iniciato de Vilhelmo la 4-a. Ĝi poste absorbis la Association for Promoting the Discovery of the Interior Parts of Africa (fondita de Joseph Banks en 1788), la klubo Raleigh kaj la Palestine Association. Ĝi ricevis reĝan ĉarton el la reĝino Viktorino en 1859.
Inter fondintaj membroj estas Sir John Barrow, Sir John Franklin kaj Sir Francis Beaufort. Ili subtenis multajn britajn ekspediciojn kaj esploristojn de tiu tempo, inkluzive de :
- Charles Darwin
- David Livingstone
- Robert Falcon Scott
- Richard Francis Burton
- John Hanning Speke
- Henry Morton Stanley
- Ernest Shackleton
La Reĝa Geografia Societo hodiaŭ estas tutmonda centro pri la studado de geografio, kaj financas variajn programojn pri edukado kaj instruado de geografiaj fakoj.
Membreco
Membreco de la Societo (fellowship) estas donita al iu ajn pli ol 21-jara kiu havas profundan okupiĝon kun geografio (tra esploro, eldono, profesio, ktp.) aŭ kiu estis ordinara membro de la societo dum la kvin antaŭaj jaroj. La kandidato devas esti proponita kaj kunproponita de ekzistantaj membroj (Fellows) kaj elektita de la Konsilio. Membroj ricevas la rajton uzi la komencliterojn "F.R.G.S." (Fellow of the Royal Geographical Society) post siaj nomoj. La Esperantista esploristo Tibor Sekelj ricevis la membrecon al la Reĝa Geografia Societo.
Polaj membroj: Wojciech Cejrowski, Jacek Pałkiewicz, Paweł Edmund Strzelecki
