Richard Dadd

El Vikipedio, la libera enciklopedio
Saltu al: navigado, serĉo
Richard Dadd.
The Fairy Feller's Master-Stroke 18551864

Richard Dadd [RIĈ'd dad] (naskiĝis la 1-an de aŭgusto 1818 en Chatham, Kent, mortis la 7-an de januaro 1886 en Londono) estis angla pentristo de feoj kaj aliaj supernaturaj temoj.

20 jaraĝa, lin anigis la Royal Academy of Art (Reĝa Akademio de Belarto), kaj li komencis ekspozicii siajn verkojn. Entute, tiuj ne estis tre rimarkindaj.

Dum vojaĝo en okcidenta Azio kaj Eŭropo en 1842, Dadd iĝis progresive malpli racia kaj pli perforta, kredante ke lin influis la egipta dio Oziriso.

Revenante anglien, oni diagnozis frenezecon, kaj lia familio prenis lin al la kampara vilaĝo de Cobham, Kent, por refortiĝo. Tamen, en 1843, Dadd, kredante ke sia patro estis la Diablo maskata, murdis lin per tranĉilo. Dadd fluĝis al Parizo, sed survoje provis, sensukcese, murdi alian turiston per razilo. Arestita de la polico, li konfesis la murdon de sia patro, kaj estis resendata al Anglio, kie li estis internigata en Bethlem, iama fifama frenezulejo.

En la malsanulejo, oni permesis lin pentri, kaj tie li pentris siajn plej bonajn verkojn, kaj sian faman majstroverkon The Fairy Feller's Master-Stroke (La majstrofrapo de la fea ulo) (vidu bildon).

Post 20 jaroj, li estis translokigata al Broadmoor frenezulejo, kie li mortis, 69 jaraĝa, de "malsano de la pulmoj".

Eksteraj ligiloj[redakti | redakti fonton]