Templo de Debod
La Templo de Debod estas templo el la Antikva Egiptio kiu nuntempe staras en Madrido (Hispanio). Ĝi situas en la okcidento de la Placo de Hispanio, kune al la Promenejo Pintor Rosales (Okcidenta Parko), en altaĵo kie troviĝis la Kazerno La Montaña (kie okazis kruela epizodo de la Intercivitana hispana milito). Je ĝia translokiĝo al Hispanio, ĝi estis aranĝita laŭ la sama orientiĝo en ĝia origina loko, de oriento al okcidento.
La Templo de Debod estis donaco de Egiptio al Hispanio en 1968, kiel dankado pro la hispana helpo, post la internacia vokado de Unesko por la savado de la temploj de Nubio, ĉefe tiu de Abu Simbel, en danĝero je malapero pro la konstruado de la akvorezervujo de Asuano. Egiptio donacis kvar el la savitaj temploj al diversaj nacioj kiuj kunlaboris: Dendur al Usono, Ellesiya al Italio, Taffa al Nederlando kaj Debod al Hispanio.
La templo havas ĉ. 2200 jarojn. Ĝia plej antikva nukleo estis starigita sub la egipta reĝo Ptolomeo la 4-a Filopatoro, kaj poste ornamita de la nubia reĝo Adijalamani (Adikhalamani) de Meroe je 200-180 a. K., dediĉata al Amono de Debod ("Amani", en la lingvo de Kuŝ) kaj Izisa. Ĝi havas gravajn aldonaĵojn de la ptolomea kaj romi-imperia epoko.
[redakti] Eksteraj ligoj
- Templo de Debod en la retpaĝo de la Amikoj de la Egiptologio
- Virtuala vizito al la Templo de Debod - Oficiala retpaĝo de la Madrida Urbodomo
- Altkvalitaj fotoj de la Templo de Debod
- La Templo de Debod en Google-mapoj
- Templo de Debod , priskribado kaj fotoj
- Fotoj pri la Templo de Debod
Koordinatoj: 40°25′26.59″N 3°43′04″O / 40.4240528°N, 3.71778°O
