Ulrike Guérot
| Ulrike Guérot | |||||
|---|---|---|---|---|---|
| |||||
| Persona informo | |||||
| Naskiĝo | 30-an de novembro 1963 (60-jaraĝa) en Grevenbroich | ||||
| Lingvoj | germana vd | ||||
| Ŝtataneco | Germanio vd | ||||
| Alma mater | Universitato de Monastero vd | ||||
| Partio | Kristandemokrata Unio de Germanio vd | ||||
| Profesio | |||||
| Okupo | politikologo • publikigisto • universitata instruisto vd | ||||
| Laborkampo | politika scienco • opinia ĵurnalismo • eduka sistemo vd | ||||
| |||||
| En TTT | Oficiala retejo vd | ||||
| vd | Fonto: Vikidatumoj | ||||
.jpg)
Ulrike Beate GUÉROT (n. en 1964 en Grevenbroich, Germanio[1]) estas politikologo, publikigisto kaj historiisto. Ŝi kune kun la aŭstria romanverkisto Robert Menasse estas konataj tra Eŭropo pro la postulo krei inkluzivan kaj demokratian eŭropan respublikon .
En 2014 ŝi fondis la European Democracy Lab (EuDemLab), berlinan pensfabrikon ĉe la European School of Governance (EUSG) kies direktoro ŝi estas.
Ekde aprilo 2016, Guérot estas profesoro kaj estro de la Fako pri Eŭropa Politiko kaj Demokratia Esplorado (Departement Europapolitik und Demokratieforschung - DED) ĉe la Universität für Weiterbildung Krems[2] [3] [4]. Unu el ŝiaj ĉefaj esplorinteresoj estas la disvolviĝo de konceptoj por la estonteco de la eŭropa integriĝa procezo.
Ŝi estas honora membro de la germana Unio de Eŭropaj Federalistoj (Europa-Union Deutschland eV - EUD).
Eŭropa Respubliko[redakti | redakti fonton]
En aprilo 2013, ŝi kaj la aŭstria romanverkisto Robert Menasse publikigis manifeston por la "starigo de eŭropa respubliko"[5]. En ĝi ili pledas por restarigo de eŭropa demokratio, eŭropa respubliko, celante en tiu ĉi kunteksto la kreadon de postnacia Eŭropo. En video por Deutsche Bank en marto 2018, Guérot petis la aboligon de la eŭropaj naciaj ŝtatoj. Guérot opinias, ke la nacio ne estas identigilo; la germanoj, antaŭe nur Rejnlandanoj, Saksoj kaj aliaj, estis germanigitaj nur per la ĝenerala germana sanasekuro. La enkonduko de eŭropa senlaboreca asekuro kondukus al la formado de eŭropaj nacioj[6].
En aprilo 2016 aperis ŝia nefikcia libro Warum Europa eine Republik werden muss! Eine politische Utopie (Kial Eŭropo devas fariĝi respubliko! : Politika utopio) ĉe Dietz-Verlag[7]. En tiu libro ŝi desegnas la utopion de eŭropa respubliko bazita sur la egaleco de ĉiuj eŭropaj civitanoj trans nacioj, respubliko de eŭropaj regionoj, en kiu ĉiuj havas egalan voĉdonrajton, ĉiuj dependas de la sama imposta sistemo kaj ĉiuj havas la samajn sociajn rajtojn[8].
La Süddeutsche Zeitung laŭdis la libron kiel "originala, lerta kaj radikala kontribuo". La kovrilo de tiu libro baziĝas sur la artaĵo Volcano: Inside out! de Valeska Peschke el la serio "Searching for Amikejo" (Pri la serĉado de Amikejo)[9] [10] [11].
Manifesto[redakti | redakti fonton]
La celo estas ke la "Manifesto por la Eŭropa Respubliko" estas voĉlegata de civitanoj, NRO-j kaj sur teatraj scenejoj en Eŭropo ekde novembro 2019 en la kadro de la Eŭropa Balkona Projekto (realigita kune kun Milo Rau)[12]. Ĝi tiel kontribuu al tuteŭropa debato pri la estonteco de eŭropa demokratio. La Manifesto estis tradukita al almenaŭ 20 lingvoj inter kiuj ankaŭ Esperanto[13].
European Balcony Project[redakti | redakti fonton]
La Eŭropa Balkona Projekto okupiĝas pri komuna eŭropa estonteco kaj volas alvoki novan Eŭropon sen nacioj, t.e. civitano-centrita kaj malcentra Eŭropo[13].
La ĉefa elemento de ĉi tiu projekto estis la proklamo de Eŭropa Respubliko la 10-an de novembro 2019[13].
Guérot estas kuniniciatinto de la Eŭropa Balkona Projekto (2018). Tiu projekto en formo de peticio proponas la starigon de "eŭropa respubliko bazita sur la principo de ĝenerala politika egaleco preter nacieco kaj deveno"[14].
Akademiuloj, intelektuloj, artistoj kaj decidantoj ankaŭ subskribis ĉi tiun peticion, inkluzive de i.a. Ernst Ulrich von Weizsäcker kaj la franca ekonomiisto Thomas Piketty.
Verkaro (elekto)[redakti | redakti fonton]
- Kune kun Robert Menasse, Manifesto por la Disvolviĝo de Eŭropa Respubliko. Kritik der Europäischen Vernunft, Bernstein-Verlag, 2017, ISBN 978-3-945426-28-9 (eldonita en la germana, franca kaj angla)
- Was ist die Nation? (Kio estas la nacio?), Steidl Verlag, Göttingen 2019, , ISBN 978-3-95829-645-9
- Kiel vi sentas vin pri Eŭropo? Steidl Verlag, Göttingen 2019, ISBN 978-3-95829-644-2
- Europa jetzt! Eine Ermutigung (Eŭropo nun! Instigo). Kun Oskar Negt, Tom Kehrbaum kaj Emanuel Herold. Steidl Verlag, Göttingen 2018, ISBN 978-3-95829-431-8
- Was ist los mit Frankreich? (Kio okazas al Francio?), JHW Dietz Nachf., Bonn 2017. ISBN 978-3-8012-0510-2
- Der neue Bürgerkrieg. Das offene Europa und seine Feinde.(La nova civita milito. Malfermu Eŭropon kaj ĝiajn malamikojn). Propileoj, Berlino 2017. ISBN 978-3-549-07491-6 . - En la pola kiel Europejska wojna domowa . 2017 - Nederlande kiel De nieuwe burgeroorlog: hoe populisme het open Europa bedreigt . 2018 (28. March) - Itale kiel La Nuova Guerra Civile: L'Europa aperta ei suoi nemici. 2019
- Manifest für die Begründung einer Europäischen Republik (Manifesto por la starigo de eŭropa respubliko). Kun Robert Menasse . En: Ders.: Kritik der Europäischen Vernunft. Trilingva (germana, franca, angla) ). Bernstein, Siegburg 2017. ISBN 978-3-945426-28-9
- Warum Europa eine Republik werden muss! Eine politische Utopie (Kial Eŭropo devas fariĝi respubliko! Politika utopio), JHW Dietz Nachf., Bonn 2016. ISBN 978-3-8012-0479-2 - Alilingvaj tradukoj: nederlande kiel Red Europa!:- Waarom Europa een republiek moet worden (Savu Eŭropon. Kial Eŭropo fariĝu respubliko), 2017; angle kiel Why Europe Should Become a Republic!: A Political Utopia, 2019 [15].
Honoroj[redakti | redakti fonton]
- 2003 - En 2003 ŝi fariĝis kavaliro de la franca Ordre national du Mérite pro sia engaĝiĝo por eŭropa integriĝo
- 2013 - En aŭtuno 2013, ŝi akompanis la germanan federacian prezidenton Joachim Gauck dum ties ŝtata vizito al Francio kadre de la oficiala delegacio[16]
- 2018 - Eniro en la Ora Libro de la urbo Grevenbroich
- 2019 - Honora Ringo Paul Watzlawick de la Medicina Asocio en Vieno
- 2019 - Salzburga Ŝtata Premio por Futurologio[17]
Vidu ankaŭ[redakti | redakti fonton]
- Amikejo (Moresnet neŭtrala)
- Domo de la Eŭropa Historio
- Thomas Bellinck (Ekspozicio 'Domo de Eŭropa Historio kaj Ekzilo')
Eksteraj ligiloj[redakti | redakti fonton]
- (de, en) Ulrike Guérot Arkivigite je 2021-07-31 per la retarkivo Wayback Machine
- (de, en) DED (Department für Europapolitik und Demokratieforschung)
- (de, en) European Domecracy Lab
- (de, en, fr) Eŭropa Balkona Projekto Arkivigite je 2021-07-27 per la retarkivo Wayback Machine
- (de) Die Botschaft von Amikejo Arkivigite je 2021-07-28 per la retarkivo Wayback Machine (tuta dosiero en PDF-formato)
Filmetoj[redakti | redakti fonton]
- (germana) Filmeto (sen subtektoj): Tilo Jung: "Ulrike Guerot über die Utopie der „Europäischen Republik“ (Ulrike Guerot pri la utopio de "Eŭropa Respubliko"), YouTube; daŭro: ĉ; 2 horoj), Jung & Naiv, oktobro 2017;
- (germana) Livestream: Dialog mit Ulrike Guérot: Europa (sen subtekstoj)
Projektoj[redakti | redakti fonton]
La Eŭropa Respubliko[redakti | redakti fonton]
- (de, dk, en, fr, gr, it, nl, pt, uk) La Eŭropa Respubliko
Projekto Amikejo[redakti | redakti fonton]
- (en, de) Projekto Amikejo[10], arta-scienca projekto en kunlaboro kun DED kaj Universität für Weiterbildung Krems, Interaga Prezento de Valeska Peschke kun Robert Menasse kaj Ulrike Guérot[18]
Referencoj[redakti | redakti fonton]
- ↑ Prof. Dr. Ulrike Guérot Arkivigite je 2020-09-26 per la retarkivo Wayback Machine, auf fdp.de, abgerufen am 4. März 2020
- ↑ Ulrike Guérot als Professorin berufen – Europaexpertin übernimmt Professur für Europapolitik und Demokratieforschung an der Donau-Universität Krems, Presseinformation, Uni Krems, 4. Mai 2016
- ↑ „Europa zwischen Geist und Ungeist. Nationalismus und Konzepte europäischer Föderation in historischer Perspektive“ – Antrittsvorlesung Ulrike Guérot, Offizielle Eröffnung des Departements für Europapolitik und Demokratieforschung, Uni Krems, 28. April 2017
- ↑ donau-uni.ac.at/ded – Department für Europapolitik und Demokratieforschung / Department for European Policy and the Study of Democracy (DED), Donau-Universität Krems
- ↑ (de) Von Armin von Bogdandy & Ulrike Guérot, «Europäische Union und Deutschland Eine neue Leitidee - die europäische Republik», Frankfurter Allgemeine Zeitung, la 19-an de septembro 2013 (ISSN 0174-4909, rete legebla arkivo,
- ↑ (de) Ulrike Guérot: Europäische Union ohne Nationen. En: Retejo de la Deutsche Bank. la 2-an de marto 2018.
- ↑ (de) Warum Europa eine Republik werden muss! Eine politische Utopie, Verlag J. H. W. Dietz, ISBN 978-3-8012-0479-2.
- ↑ (nl) Ulrike Guérot - biografie, VPRO Tegenlicht,
- ↑ (en) News and Activities Arkivigite je 2021-07-28 per la retarkivo Wayback Machine, Amikejo
- ↑ 10,0 10,1 (en) 5th Euroacademia International Conference Rom, „Amikejo Projects: Identities in the Arts[rompita ligilo]“, Euroacademia International Conference, okainta en la Centro Congressi - Piazza di Spagna en Romo, Italio de 9-a ĝis la 10-a de decembro 2016
- ↑ Katalogo: Valeska Peschke: Amikejo, Europa, Welt, All Arkivigite je 2021-07-28 per la retarkivo Wayback Machine, Verlag/eld.Luise Metzel, 2019
- ↑ (de) Zu isoliert, zu künstlerisch, zu literarisch. Deutschlandfunk Kultur, la 10-an de novembro 2018
- ↑ 13,0 13,1 13,2 (de, en, fr) La Eŭropa Balkona Projekto Arkivigite je 2021-07-27 per la retarkivo Wayback Machine, Muzeo de nuntempa arto, la 10-an de novembro 2018.
- ↑ Wolfgang Böhm: Robert Menasse und Elfriede Jelinek fordern Gründung einer Europäischen Republik, Die Presse, la 19-an de otobro 2018
- ↑ Recenzo: Heiner Wittmann Eine Utopie für Europa Arkivigite je 2021-06-29 per la retarkivo Wayback Machine
- ↑ (de) Der Bundespräsident / Reden / Empfang in der Residenz der Botschafterin, gegeben vom Bundespräsidenten und von Daniela Schadt, www.bundespraesident.de:
- ↑ (de) Ulrike Guérot erhält Salzburger Landespreis für Zukunftsforschung, Salzburger Nachrichten. la 21-an de oktobro 2019
- ↑ (de) Georgios Chatzoudis, Die Botschaft von Amikejo - Interaktive Perfomance von Valeska Peschke mit Robert Menasse und Ulrike Guérot; Scienca portalo Gerda Henkel Stiftung, la 21-an de marto 2014, alirite la 27-an de julio 2021.