Vic-la-Gardiole

El Vikipedio, la libera enciklopedio
Saltu al: navigado, serĉo
Preĝejo Sankta Leokadio (Sainte-Léocadie)

Vic-la-Gardiole estas vilaĝo en suda Francio en la regiono Languedoc-Roussillon kaj la departemento Hérault. Ekde la 31-a de decembro 2002 ĝi apartenas al la Communauté d'agglomération du Bassin de Thau.

La loĝantoj france nomiĝas Vicois. Etimologie la nomo devenas de la latina termino Vicum (vilaĝo, roma administracia nivelo sen propra rajtoj).

La 9-an de junio 1885 la vilaĝo Vic elektis la nomon Vic-les-étangs pro la multaj ĉirkaŭaj lagoj (france étang). La aktuala nomo estas de la 12-a de marto 1914. La nomo Gardiole rilatas al proksima montaro. Historie Vic estis vilaĝo de fiŝkaptistoj.

La vitejoj kontribuas al la produktado de muskatela vino "Muscat de Frontignan"

Vidindaĵoj[redakti | redakti fonton]

Estas fortikigita romanika preĝejo kaj funkciis kiel rifuĝejo de la loĝantaro. En la preĝejo estas cisterno kiu ebligis havi provizon da akvo. La konstruaĵo estas difinita per la uzebla konstrumaterialo: La muroj konsistas el miksaĵo de ŝtonoj kaj konkoŝeloj. Menciindas la manko de fundamento.
  • La urbocentro akiris novan visaĝon post renovigaj laboroj kaj la instalo de piediranta zono, limigitaj eblecoj por lasi aŭtomobilon kaj redukto de la strato al unu trako.

La nombro de loĝantoj kreskis de 500 en la 1960-aj jaroj al pli ol 2.500 en la 21-a jarcento pro la favora pozicio inter Montpellier kaj Sète. Dum la somera tempo la loĝantaro kreskas al pli ol 10.000.

La suda parto de la vilaĝa teritorio konsistas el lagoj kaj malsekaj regionoj, dum la norda parto, la monto Gardiole prezentas grandan diversecon de plantoj kaj bestoj.

Aliro[redakti | redakti fonton]

Eksteraj ligiloj[redakti | redakti fonton]