Vorderthal

El Vikipedio, la libera enciklopedio
Saltu al: navigado, serĉo
Vorderthal
Blazono de Vorderthal
Preĝejo de Vorderthal
Kantono Ŝvico
Distrikto March
Koordinatoj  47°7′14″N 8°54′4″O  /  47.12056°N, 8.90111°O / 47.12056; 8.90111 (Vorderthal)Koordinatoj: 47°7′14″N 8°54′4″O  /  47.12056°N, 8.90111°O / 47.12056; 8.90111 (Vorderthal)
Nombro de enloĝantoj 1003
Areo 28,0 km²
Alteco 735 m super marnivelo
Poŝtkodo 8857
Komunumkodo 1348
Mapo de Vorderthal

Pri la komunumo[redakti | redakti fonton]

Vorderthal estas komunumo en la distrikto March en Kantono Ŝvico, Svislando. Ĝi havis 1003 loĝantojn je la 31-a de decembro 2009.

Geografio[redakti | redakti fonton]

Vorderthal situas en la meza parto de la valo Wägital, ĉe la baraĵo de la Lago de Wägital. Tra la komunumo fluas la rivero Wägitaler Aa, kiu elfluas la Lagon de Wägital kaj inter Lachen kaj Nuolen alfluas al la Lago de Zuriko. La sudorientan limon de la komunumo formas la rivero Trepsenbach, alfluanto de Wägitaler Aa. La plej alta punkto de la komunumo situas en sudo sur la monto Gross Aubrig kun alteco de 1695 m s.m..

Najbaraj komunumoj[redakti | redakti fonton]

La komunumo Vorderthal limas en nordo al Galgenen, en oriento al Schübelbach, en sudo al Innerthal, en okcidento al Einsiedeln, kaj en nordokcidento al Altendorf.

Trafiko[redakti | redakti fonton]

Tra Vorderthal pasas la vojo de Siebnen al Innerthal, kaj la komunumo estas la komencpunkto de la vojo tra Sattelegg-Pasejo al Einsiedeln. Al la publika transportreto la komunumo estas konektita per la poŝtaŭtolinio de Innerthal al Siebnen.

Historio[redakti | redakti fonton]

La unu firma setlejo en la valo Wägital estiĝis en la jaro 406 post Kristo. En la jaro 1350 la suvereneco pri la valo apartenis al la Grafejo Rapperswil. En la jaro 1776 Innerthal kaj Vorderthal disiĝis al du sendependaj komunumoj. Ĝis en la 18-a jarcento al la valo Wägital ekzistis nur malbona piedpado. En la jaro 1830 estis permesita la konstruo de bona veturebla vojo, sed daŭris ankoraŭ ĝis en la jaro 1861, ke la vojo povis estis malfermita. En la jaroj 1940 ĝis 1942 internitaj soldatoj (ĉefe poloj) konstruis la pasejvojon trans Sattelegg al Einsiedeln. [1]

Notoj kaj referencoj[redakti | redakti fonton]

  1. Fonto: Artikolo pri la historio de Vorderthal en la retejo de la komunumo

Eksteraj Ligiloj[redakti | redakti fonton]