Wauwil

El Vikipedio, la libera enciklopedio
Saltu al: navigado, serĉo
Wauwil
Blazono de Wauwil
Wauwil vidita ek de la marĉo de Wauwil
Kantono Lucerno
Distrikto Willisau
Koordinatoj  47°10′59″N 8°1′0″O  /  47.18306°N, 8.01667°O / 47.18306; 8.01667 (Wauwil)Koordinatoj: 47°10′59″N 8°1′0″O  /  47.18306°N, 8.01667°O / 47.18306; 8.01667 (Wauwil)
Nombro de enloĝantoj 1695
Areo 2,95 km²
Alteco 539 m super marnivelo
Poŝtkodo 6242
Komunumkodo 1146
Mapo de Wauwil

Pri la komunumo[redakti | redakti fonton]

Wauwil (prononcu: vaŭvil) estas komunumo en la distrikto Willisau en Kantono Lucerno, Svislando. Ĝi havis 1695 loĝantojn je la 31-a de decembro 2008.

Geografio[redakti | redakti fonton]

Wauwil situas sude de la monto Santenberg kaj norde de la Marĉo de Wauwil, kiu estis ĝis la jaro 1859 kovrita de la Lago de Wauwil. La vilaĝo komplete kunkreskis kun la setlejoj de la najbara komunumo Egolzwil. Per la sekigo de la Marĉo de Wauwil en la 19-a jarcento la komunumo gajnis multe da kultivebla frukta teritorio.

La teritorio de la komunumo etendiĝas sur areo de 2,96 km², de kiuj 10,2% estas kovritaj de arbaro, 71,9% servas por agrikulturo kaj 18,0% por setlado. [1]

Najbaraj komunumoj[redakti | redakti fonton]

La komunumo Wauwil limas en nordo al Dagmersellen, en oriento al Mauensee, en sudo al Ettiswil, en sudokcidento al Schötz, kaj en okcidento al Egolzwil.

Trafiko[redakti | redakti fonton]

Wauwil disponas pri stacidomo ĉe la trajnlinio de Svisaj Federaciaj Fervojoj de Olten al Lucerno.

Tra la komunumo pasas la kantona ĉefvojo de Dagmersellen al Sursee. La plej proksima alveturejo al la svisa aŭtovojo A2 situas tri kilometrojn nordokcidente en Dagmersellen.

Vidindaĵoj[redakti | redakti fonton]

En Wauwil troviĝas arkeologia lernopado en kiu estis rekonstruitaj longdomoj el la neolitiko. En Wauwil jam setlis homoj antaŭ 16000 jaroj, kiel diversaj trovaĵoj pruvis.

Historio[redakti | redakti fonton]

La unua dokumenta mencio de Wauwil datiĝas el la jaro 1070 kiel Wawile.

Dum mezepoko en Wauwil regis la Habsburgoj. La komunumo apartenis al ties Grafejo Willisau. En la jaro 1407 la urbo Lucerno aĉetis la Grafejon Willisau, kiu tiam fariĝis Lucerna voktejo. Inter la jaroj 1450 kaj 1515 la urbo Lucerno akiris ankaŭ la malaltan jurisdikcion pri Wauwil. En la jaro 1798 eksplodis al Helveta Revolucio. Dum la kvin jaroj de la Helveta Respubliko la komunumo Wauwil apartenis al la helveta distrikto Altishofen. Per la restaŭracio de la jaro 1803 Wauwil estis atribuita la la nova distrikto Willisau de Kantono Lucerno.

Notoj kaj referencoj[redakti | redakti fonton]

  1. Fonto: Profilo de la komunumo sur la kantona retejo

Bildoj[redakti | redakti fonton]

Eksteraj Ligiloj[redakti | redakti fonton]

  • Kunlaboru en Commons Komunejo proponas multimediajn dosierojn al temo sub la gloso Wauwil