Sonorilo Sigismondo
 | Ĉi tiu artikolo temas pri fama sonorilo en urbo Krakovo. Koncerne aliajn signifojn aliru la apartigilon Sonorilo (apartigilo). |
Sonorilo Sigismondo (pole: Dzwon Zygmunt) – la plej fama pola sonorilo troviĝanta en la katedrala turo sur Vavelo en Krakovo. Fondita de la reĝo de Pollando Sigismondo la 1-a. Nomita laŭ lia nomo - Sigismondo.
Historio[redakti | redakti fonton]
La sonorilon faris en krakova sonorilfarejo sonorilproduktisto Hans Beham el Nurenbergo en 1520. Sur la mantelo de la sonorilo estas videblaj figuroj de sanktuloj: Sigismondo kaj Stanislao. Ankaŭ troviĝas tie blazonoj de Pollando kaj Litovio. En la turo estis fiksita la 9-an de julio 1521. La 13-an de julio 1521 Krakovo unuafoje ekaŭdis ĝian voĉon.
En la 19-a jarcento koro de la sonorilo trifoje krevis, sed estis senprokraste riparata. Dum antaŭkristnaska vespero de 2000 on konstatis laŭvican krevon. La difektitan koron oni anstataŭis per nove muldita, kaj la antaŭan oni povas rigardi ĉe enirejo al la Turo de Sigismondo. Nuntempa koro pezas 365 kg kaj estas 42 kg pli peza ol la malnova.
La sonorilo Sigismondo estis la plej granda pola sonorilo ĝis fino de 1999, kiam superis ĝin mase kaj dimensie sonorilo de Licheń Stary (apud Ślesin) - Maryja Bogurodzica (Maria Dipatrino).
Signifo en la pola kulturo[redakti | redakti fonton]
Nuntempe Sigismondo batas dum la plej gravaj festoj kaj ekleziaj aŭ naciaj solenaĵoj. Dum la jaro tiaj okazantaĵoj estas ĉ. 30, ili estas interlie Novjaro, Palmofesto, Pasko, Festo de la Konstitucio de la 3-a de Majo, Kristokorpa Festo, Ĉiuj Sanktuloj, Festo de Sendependeco, Kristnasko. Krom tio la sonorilo batas en momentoj gravaj por Krakovo kaj Pollando, en la lastaj jaroj interalie:
- la 12-an de majo 1935 – morto de marŝalo Józef Piłsudski
- la 16-an de oktobro 1978 – post elekto de la papo Johano Paŭlo la 2-a al Apostola Seĝo
- la 30-an de aprilo 2004 – okaze de aliĝo de Pollando al Eŭropa Unio
- la 2-an de aprilo 2005 – post anonco de morto de la pola papo
- la 19-an de aprilo 2005 – post elekto de Benedikto la 16-a al Apostola Seĝo
- la 10-an de aprilo 2010 – post katastrofo de pola registara aviadilo en Smolensk
- la 18-an de aprilo 2010 – dum funebra ceremonio de Lech Kaczyński kaj Maria Kaczyńska
- la 10-ande aprilo 2011 – en la unuan datrevenon de la katastrofo de pola registara aviadilo en Smolensk
- la 3-an de novembro 2012 – dum funebra ceremonio de prezidento Ryszard Kaczorowski
- la 28-an de februaro 2013 – post abdiko de la papo Benedikto la 16-a
- la 13-an de marto 2013 – post elekto de papo Francisko al Apostola Seĝo
- la 3-an de novembro 2013 – dum funebra solenaĵo de Tadeusz Mazowiecki
- la 27-an de aprilo 2014 – okaze de kanonizo de Johano la 23-a kaj Johano Paŭlo la 2-a
- la 10-an de majo 2014 – okaze de la 650-a datreveno de la fondo de Jagelona Universitato
- la 13-an de decembro 2015 – okaze de inaŭguro de la Jaro de Mizerikordo
- la 15-an de oktobro 2017 – okaze de la 200-a datreveno de la morto de Tadeusz Kościuszko
- la 17-an de aprilo 2019 - post la Incendio de Notre-Dame de Paris en 2019
- la 25-an de marto 2020 – okaze de Sankta Meso en la katedralo sur Vavelo en Krakovo dum anĝeluso pro la pandemio de kronviruso
- la 5-an de januaro 2022 - La 5-an de januaro 2023 - dum la entombigo de Benedykt XVI en Vatikano[1]
Referencoj[redakti | redakti fonton]
- ↑ Dzwon Zygmunta "Wybrzmiał w Krakowie po raz ostatni 5 stycznia 2023 roku" www.suerteprzewodnicy.pl