Ĉerizo

Paro de ĉerizoj ankoraŭ kunligitaj post rikoltado.

Pentraĵo de Salvatore Postiglione: la ĉerizotempo.

Ĉerizo estas manĝebla frukto de ĉerizarbo. Oni distingas dolĉajn kaj acidajn ĉerizojn.

Priskribo

Ĉerizo estas globforma, ofte ruĝa, kelkfoje ankaŭ flava-ruĝeta. La frukto estas drupo: meze de la fruktokarno kuŝas unu kerno je diametro de ĉirkaŭ 0,5 – 1 cm. Tiujn semojn disvastigas birdoj aŭ homoj, ŝatantaj guston de la karno.

Uzoj

En kuirarto, ĉerizo uzatas kiel deserto krude aŭ kiel kompoto, plie oni povas el ĝi fari aŭ marmeladon aŭ fruktojogurton. Ankaŭ ŝatataj estas la ĉerizokukoj (ekz. la franca clafoutis), kiuj inkludas la fruktojn ene.

La konfitado (ĉefe per sukero) igas ĝin longe konservebla.

Oni povas per premoj la trinkeblan sukon eltiri, kaj ankaŭ jen el ĝi pretigi post fermentado vinon jen per simpla aldono de sukero obteni siropon.

Per fermentitaj ĉerizoj obteneblas post distilado alkoholaj trinkaĵoj: la merizbrando kun dolĉaj ĉerizoj kaj kirŝo (el la germana termino Kirschwasser mallongigita kirsch) kun acidaj ĉerizoj (ankaŭ loke nomata ŝnapso). Ankaŭ aromriĉas la fruktokernoj de certaj specioj de ĉerizoj, tial per ili post pistado oni elfaras ĉerizbrandon (ankaŭ loke nomata kirŝo), ĉefe en Alzaco kaj en Hungario.

Produkto

Produkto de dolĉaj ĉerizoj en 2014 (tunoj)

	Lando	Produkto
1	Turkio	445,556
2	Usono	329,852
3	Irano	172,000
4	Hispanio	118,220
5	Italio	110,766
6	Chilio	83,903
7	Rumanio	82,808
8	Uzbekistano	80,000
9	Rusio	77,000
10	Grekio	73,380
	Tutmondo	2,245,826
Fonto: FAO|Unuiĝintaj Nacioj

Produkto de acidaj ĉerizoj en 2014 (tunoj)

	Lando	Produkto
1	Rusio	198,000
2	Ukrainio	182,880
3	Turkio	182,577
4	Pollando	176,545
5	Usono	137,983
6	Irano	111,993
7	Serbio	93,905
8	Hungario	91,840
9	Uzbekistano	45,000
10	Azerbajĝano	25,669
	World	1,362,231
Fonto: FAO|Unuiĝintaj Nacioj