Agnieszka Romaszewska-Guzy

El Vikipedio, la libera enciklopedio
Saltu al: navigado, serĉo

Agnieszka Romaszewska-Guzy (naskiĝis la 15-an de januaro 1962 en Varsovio) estas pola ĵurnalistino gazetara kaj televida, direktorino de Televido Belsat.

Post enkonduko de milita stato en Pollando estis internigita por kvin monatoj. Ĝis 1989 kunlaboris kun opozicia movado, partoprenante i.a. en kontraŭkomunisma Movado Libereco kaj Paco. En 1987 finis studojn ĉe Historia Fakultato de Varsovia Universitato. Ŝi estis porparolantino de Tutpollanda Fonda Komitato de la Sendependa Asocio de Studentoj (NSZ), kaj poste membro de Landa Revizia Komisiono ĉe NZS. Ŝia edzo Jarosław Guzy estis ĝia unua prezidanto.

Dum doktoreca stipendio en Usono estis staĝistino en "The Washington Times", "The Washington Post" kaj en semajnrevuo "The New Republic". Ekde 1991 laboris en gazeto "Życie Warszawy" (Vivo de Varsovio). En 1992 trovis laboron en Telewizja Polska, kie estis ĉefo de raportistoj kaj anstataŭantino de ĉefo de Wiadomości TVP (Sciigoj de Pola Televido). Poste ŝi enposteniĝis kiel landa raportisto, eldonanto de Wiadomości, kaj ankaŭ ŝi eldonis i.a. katolikan informan revuon "Czasy" (Tempoj).

En 1999 ŝi revenis al la redakcio de Wiadomości, priparolis eventojn en Balkanoj. Ŝi surbendigis ses raportaĵojn kaj dokumentajn filmojn, i.a. En la ombro de KGB, Misiistoj, Kamaradoj kaj amikoj, Fremda patrio. Ĝis 2005 estis internacia raportistino (i.a. en Belorusio kaj Ukrainio). Pro sia ĵurnalista agado regopovoj de Belorusio ekziligis ŝin kun plurjara malpermeso eniri la landon.

De 1998 ĝis 2004 ektroviĝis en la ĉefa estraro de Asocio de Polaj Ĵurnalistoj. Ŝi aktivis en Asocio Centro de Civitana Edukado Pollando-Belorusio. En 2006 enposteniĝis kiel anstataŭantino de direktoro de TV Polonia pri programado, en 2007 iĝis ties direktorino. Ŝi prilaboris koncepton krei teman televidkanalon de Pola Televido, dediĉitan al belorusa temaro. En 2007 iĝis direktorino de Biełsat TV. Marte 2009 estis maldungita, kion oni komentis kiel "donaco al Lukaŝenko". Sub premo de publika opinio post semajno revenis al sia posteno. En 2010 komencis plenumi devojn de direktoro de filio de Pola Televido en Bjalistoko.

Ŝi estas filino de Zofia Romaszewska kaj Zbigniew Romaszewski. En 2007 estis distingita de prezidento Lech Kaczyński per Kavalira Kruco de la Ordeno Polonia Restituta.

Eksteraj ligiloj[redakti | redakti fonton]