Albrecht von Brandenburg

El Vikipedio, la libera enciklopedio
Salti al navigilo Salti al serĉilo
Disambig.svg La titolo havas ankaŭ aliajn signifojn, por vidi ilin bonvolu rigardi la apartigilan paĝon: Albrecht von Brandenburg (apartigilo)
Albrecht von Brandenburg
Princo-elektisto de MajencoWappen Erzbistum Mainz.png
Albrecht von Brandenburg, kardinalo kaj mecenato
Albrecht von Brandenburg, kardinalo kaj mecenato
Regado 1514–1545
Antaŭulo Uriel von Gemmingen
Sekvanto Sebastian von Heusenstamm
Albrecht von Brandenburg.jpg
Ceteraj titoloj kardinalo
Persona informo
Naskiĝo la 28-an de septembro 1490
en Cölln (hodiaŭ Berlino), Brandenburgio, Armoiries modernes Saint-Empire bicéphale.svg Sankta Romia Imperio (Germanio)
Morto la 24-an de septembro 1545 (54‑jara)
en Aschaffenburg, Armoiries modernes Saint-Empire bicéphale.svg Sankta Romia Imperio (Germanio)
Tombo Katedralo de Majenco [#]
Religio Romkatolikismo
Ŝtataneco Margraflando Brandenburgio [#]
Alma mater Frankfurto ĉe Odro
Familio
Dinastio Hohencolernoj
Patro John Cicero, Elector of Brandenburg [#]
Patrino Margaret of Thuringia [#]
Gefratoj Joachim I Nestor, Elector of Brandenburg • Ursula of Brandenburg • Anna of Brandenburg [#]
Parencoj Joachim II Hector, Elector of Brandenburg • John, Margrave of Brandenburg-Küstrin • John George, Elector of Brandenburg • Catherine of Brandenburg-Küstrin • Henry V, Duke of Mecklenburg [#]
Profesio
Okupo katolika sacerdoto [#]
(Kun-)Margrafo de Brandenburgio Wappen Mark Brandenburg.png
Regado 1499–1513
Ĉefepiskopo de Magdeburg Wappen Erzbistum Magdeburg.png
Administranto de Halberstadt Wappen Bistum Halberstadt.png
Regado 1513–1545
Antaŭulo Ernst la 2-a de Saksio
Sekvanto Johann Albrecht von Brandenburg-Ansbach
[#] Fonto: Vikidatumoj
Information icon.svg
vdr

Albrecht von Brandenburg (naskiĝis la 28-an de septembro 1490, mortis la 24-an de septembro 1545 en Aschaffenburg) el la hohencolerna dinastio estis ĉefepiskopo de Magdeburg kaj princo-elektisto de Majenco. Li estis la dua filo de la princo-elektisto Johann Cicero von Brandenburg. Li estis unu el la plej fortaj kaj gravaj kontraŭuloj de Marteno Lutero kaj de la protestanta Reformacio.

Vivo[redakti | redakti fonton]

Albrecht studis en Frankfurto ĉe Odro, sacerdotiĝis kaj iĝis jam en 1513 ĉefepiskopo de Magdeburg kiel ankaŭ administranto de la episkopujo de Halberstadt. En 1514 li elektitis ĉefepiskopo kaj princo-elektisto de Majenco kaj en 1518 li nomumitis kardinalo. Por repagi la ŝuldojn faritajn por pagi la ekleziajn honorojn li promesis transdoni la duonon de la enspezoj el la komercado per indulgencoj al Romo. Lia agento estis la fifama Johann Tetzel. Tio i.a. antaŭenpuŝis reformaciajn ideojn ĉe Marteno Lutero.

Pro tio la mecenato de la humanistoj (en 1518 eĉ Ulrich von Hutten venis sur lian kortegon!) fifamiĝis ĉe la reformaciemuloj - kvankam li mem ne maltrafis okazojn por kritiki malbonajn evoluojn de la papeco. Ankaŭ en 1530 Albrecht vojaĝis al Augsburg - kie prezentitis la Aŭgsburga konfeso - kaj reklamis por la paco; li peris en 1534 kune kun Georgo, duko de Saksio inter protestantismaj princoj kaj imperiestro Ferdinando la 1-a. En 1538 Albrecht aliĝis al la t.n. Sankta Alianco direktita kontraŭ la Ŝmalkalda Ligo. Tio kiel ankaŭ la ekzekuto kontraŭleĝa de Hans von Schönitz skribigis Luteron pamfleton akregan kontraŭ Albrecht. Kontraŭ transpreno de siaj ŝuldoj (500.000 guldenoj) Albrecht permesis al la protestantoj en la regiono de Magdeburg praktiki libere la novajn ritojn kaj forlasis en 1541 sian rezidejon preferitan en Halle (Saale). Tie li konstruigis la Katedralon de Halle. Poste li konsilis la imperiestron ja uzi forton kontraŭ la protestantoj. En 1540 li ektoleris la nove fonditan ordenon de la jezuitoj - li estis la unua germana princo kiu faris tion - kaj partoprenis persekuton de la protestantisma kredo.

Graveco[redakti | redakti fonton]

Albrecht estis amiko de la sciencoj kaj mecenatego de la artoj. La katedralojn de Halle kaj de Majenco li ornamigis riĉege. Dum du jaroj li zorgis pri la eduko de Morico de Saksio.

Literaturo[redakti | redakti fonton]

  • May, Der Kurfürst, Kardinal und Erzbischof Albrecht II. von Mainz, München 1865–75
  • Schum, Kardinal Albrecht von Mainz und die Erfurter Kirchenreformation, Halle 1878
  • Redlich, Kardinal Albrecht von Brandenburg und das Neue Stift zu Halle 1520–1541, Mainz 1900.

Fonto[redakti | redakti fonton]

Meyers Großes Konversations-Lexikon, Band 1. Leipzig 1905, S. 273-274, kio legeblas tie ĉi interrete.