Aleksandr Nikolajeviĉ Aksakov
| Александр Николаевич Аксаков (1832-1903) | ||
|---|---|---|
 Rusa tradukisto, ĵurnalisto, verkisto kaj psika esploristo.
| ||
| Persona informo | ||
| Naskiĝo | 27-a de majo[jul.]/ 8-a de junio 1832[greg.] en Repjevka', Kampara starigejo de Ŝerjomuŝkinskj, Distrikto Inzenskj, Rusa Imperio | |
| Morto | 4-a de januaro[jul.]/ 17-a de januaro 1903[greg.] en Sankt-Peterburgo, Rusa Imperio | |
| Tombo | Cemetery in Donskoy Monastery (en)   vd
| |
| Lingvoj | rusa vd | |
| Ŝtataneco | Rusia Imperio vd
| |
| Alma mater | Moskva Ŝtata Universitato | |
| Familio | ||
| Dinastio | House of Aksakov vd | |
| Profesio | ||
| Okupo | psikologo ĵurnalisto filozofo psychic (en) verkisto vd
| |
| Verkado | ||
| Verkoj | Q9615932 vd | |
| vd | Fonto: Vikidatumoj | |
Aleksandro Nikolajeviĉ AKSAKOV (1832–1903) estis rusa diplomato, filozofo, tradukisto, ĵurnalisto, verkisto, eldonisto, kaj psika esploristo de la spiritaj fenomenoj, kiu stampis la vorton "telekinezo". Vivinte en Germanio kune kun lia edzino kaj tie publikiginte siajn skribaĵojn, li komencis skribi sian nomon kiel "Alexander Aksakof" kiel adaptado por la germana ortografio kaj tio estas la nomo per kiu li estas konata ekster Rusujo.
Li estis nevo de la eminenta rusa verkisto Sergejo Timofejeviĉ Aksakovo[1][2] kaj kuzo de la renoma kemiisto Aleksandro Butlerov[3] kaj Ivan Sergejeviĉ Aksakov (1823-1886), kiu cetere publikigis kelkajn el liaj verkoj. Lia patro estis Nikolao Timofejeviĉ kaj lia patrino nomiĝis Katerina Aleksejevna Panov.
Biografio
[redakti | redakti fonton]Li estis edukita en la Aleksandra Liceo de Sankt-Peterburgo, kaj post diplomiĝi en 1851, li eniris serve de la Ministerio pri Internlando. Indikita al Statistika Ekspedicio, li dum kelka tempo vivis en la Provincoj studante la religiajn kontraŭstarojn. Inter 1855-56 li frekventis kursojn en la Fakultato pri Medicino de la Moskva Universitato, tamen iom poste li reprenis sian Ŝtatan postenon en la Departemento pri Guberniaj Propraĵoj. Li emeritiĝis el la Gubernia servado en 1878 kun la rango de Civila Konsilisto.
Ekde sia infaneco, Aksakov interesiĝis pri teologiaj kaj filozofiaj demandoj, kaj dum sia restado en la Liceo, li ekkontaktis kun la instruoj de Emanuel Swedenborg. Ĉi tiu estis lia enkonduko al siaj filozofiaj vidpunktoj per kiu li penis starigi empirian bazon por siaj kredoj en la spirita regado de la homaro. Lia ĉefa intereso sidis sur la studoj pri la psikaj fenomenoj kiuj respondecus pri la spirita Principo en la homo. Tion farinte, Aksakov trovis plej simpatian intereson en la Profesoro Butlerov, la renoma rusa kemiisto, kiu malferme deklaradis sian kredon en la realaĵoj de la mediumismaj fenomenoj. Aksakof mem pagis ĉiujn elspezojn rilate al lia vasta beletra produktado.
Verkaro
[redakti | redakti fonton]- Gvidlibro pri Magnetoterapio, Sankt-Peterburgo, 1860, tradukita de la Grafo Ferenc Szapáry (13.01.1804-11.01.1875)[4]
- De Caelo et Ejus Mirabilibus et de inferno. Ex Auditis et Visis ("Pri la Ĉielo, la mondo de la Spiritoj, kaj la Infero, kiel viditaj and deklaritaj de E. Swedenborg", Lepsiko, 1863
- La Bona Novaĵo laŭ Swedenborg, Lepsiko, 1864
- Eksperimenta esplorado pri la Spiritualismo, Lepsiko, 1866, tradukita el la angla kemiisto kaj fakulo pri psikaj fenomenoj Robert Hare (1781-1858)
- La raciismo de Swendenborg, ktp, Lepsiko, 1870[5]
- Spiritualismo kaj scienco. Esploraĵoj pri la Fizikaj fortoj de William Crookes, Sankt-Peterburgo, 1872
- Psikaj Studoj 1874
- Skizo de la Historio de la Komitato pri Mediumismo de la Fizika Societo en la Universitato de Sankt-Peterburgo, Sankt-Peterburgo, 1883
- Monumento al la Scienca Antaŭjuĝo. Konkludoj de la komitato pri Mediumismo, Sankt-Peterburgo, 1883
- Animismus und Spiritismus (germane)/Анимизм и спиритизм (ruse) 1893
- Étude sur les matérialisations des formes humaines 1897
- Antaŭuloj de la spiritismo: Rimarkindaj kazoj de arbitraj mediumaj aperoj en la lastaj tri jarcentoj 1898
- Materialy dli︠a︡ suzhdeni︠ia︡ ob avtomaticheskom pismi︠e︡ 1899
Literaturo
[redakti | redakti fonton]- Nordisk familjebok
- WorldCat Identities
- Forbidden histories
- The Theosophical Society: The History of a Spiritualist Movement
- The Hermetic Fire of the mind is the key to the Occult Sciences
- Madame Blavatsky: The Woman Behind the Myth
- The Occult in Russian and Soviet Culture