Alfredo Stromboli

Alfredo Stromboli
Persona informo
Naskiĝo	30-an de novembro 1874 (1874-11-30) en Sansepolcro
Morto	30-an de novembro 1948 (1948-11-30) (74-jaraĝa) en Volterra
Lingvoj	Esperanto
Ŝtataneco	Italio (1946–1949) Reĝlando Italio (1875–1946)
Okupo
Okupo	esperantisto (1909–) kemiisto

Alfredo STROMBOLI (naskiĝis en 1875 en Borgo Sansepolcro, mortis en 1949 en Volterra) estis doktoriĝita kemiisto kun speciala fako de metalurgio, itala esperantisto kaj verkisto de lernolibro.

Stromboli fariĝis Esperantisto en 1909 kaj ekaktivis en Ĝenovo, poste en Romo kaj Pizo. Li estis prezidanto de la Ĝenova esperanto-grupo kaj de Itala Esperanto-Asocio (IEA), redaktisto de Itala Esperantisto kaj ano de Internacia Centra Komitato (ICK). Li verkis propagandilojn, lernolibron (1911) kaj kunlaboris je Esperanto-gazetoj.

Verkoj

• Manuale completo per lo studio della lingua internazionale ausiliaria Esperanto.
  • 1-a eldono. 1911.
  • 2-a eldono. Ĝenovo: Cooperativa Esperantista Italiana, 1912. 137 paĝoj.
  • 3-a eldono. San Vito al Tagliamento: Paolet, 1924. 248 paĝoj.

„ Jen vere plena lernolibro, kiel oni devus havi ĝin ne nur por italparolantoj sed ankaŭ por ĉiuj aliaj lingvanoj, kaj precipe ĉar dank'al la Cooperativa esperantista italiana oni povas liveri lernolibron de 300 paĝoj por 1 Lira, 0.400 Sm. La enhavo estas la sekvanta : esperanto kaj la problemo de helplingvo internacia ; neceseco de lingvo internacia ; lingvoj naciaj kaj internaciaj ; artefarita lingvo internacia ; projektoj de lingvo artefarita; kondiĉoj por lingvo internacia. Esperanto; Opinioj pri Esperanto ; konstruado de Esperanto. — Historio de l'esperanto. Fundamentaj reguloj de Esperanto — Dek lecionoj kun plenaj klarigoj, ekzemploj kaj ekzercoj. — Elekto de bonaj prozaĵoj kaj versaĵoj — Konversaciaj frazoj — Komerca korespondado — Vortaro esperanto-itala kaj itala-esperanto. Al la lerta samideano Doktoro Stromboli, niajn sincerajn gratulojn. ” — Belga Esperantisto n050 (dec 1912)

Literaturo

• 1982: Migliorini, Elio. Pionieri dell’Esperanto in Italia [Esperanto-Pioniroj en Italio]. Roma 1982 (en la itala)

Eksteraj ligiloj

• Libroj de kaj pri Alfredo Stromboli en la Kolekto por Planlingvoj kaj Esperantomuzeo
• Artikoloj de kaj pri Alfredo Stromboli en Elektronika Bibliografio de Esperantaj Artikoloj (EBEA)