Arno Lagrange

Arno Lagrange
Arno Lagrange en majo 2007
Persona informo
Naskiĝo	1-a de septembro 1956 en Saint-Brice-sous-Forêt, Francio
Lingvoj	Esperanto
Nacieco	franco
Ŝtataneco	Francio
Familio
Patro	Georges Lagrange
Patrino	Erika Lagrange
Frat(in)oj	Bernard Lagrange kaj Patrick Lagrange
Okupo
Okupo	esperantisto
Esperanto
Aliaj aktivaĵoj	aktiva en EKC en Tuluzo Esperanto-aktoro
Denaska esperantisto	Jes

Arno Raymond LAGRANGE naskiĝis je la 1-a de septembro 1956 en Saint-Brice-sous-Forêt, ĉirkaŭurbo de Parizo kiel filo de Georges Lagrange kaj Erika Frieß kaj frato de Patrick Lagrange. Li ricevis la duan antaŭnomon "Raymond" honore al Raymond Schwartz, gvidinto de la kabaredo Tri koboldoj kie liaj gepatroj interkonatiĝis. Li estas denaska esperantisto, konata kiel teatra aktoro, tradukisto, enscenigisto, scenteĥnikisto kaj longjara administranto de Vikipedio en Esperanto. Li laboris interalie en jenaj teatraj ensembloj: Teatro Esperanto de Parizo (TESPA), La Krizalido, Kallima, Théâtre de l'Epicéa, Teatra Trupo de Tuluzo.

Loĝinte en Sainte-Apollonie kaj Tarabel ankaŭ situanta en Lauragais li loĝis ĝis februaro 2013 en Bellegarde-du-Razès, aktiva en Esperanto-Kultur-Centro en Tuluzo, en kies kadro li rolis kiel kunorganizanto de KAFE. Li aktivis kiel Vikipediisto ĝis tiu sama dato. La 17an de februaro 2013 li afiŝis al sia fotaro foton de la "lasta tago da libero" kaj ekde tiam ne plu aktivas ĉe la Esperanta Vikipedio. Tamen, anonciĝis ke li prelegos en la kongreso RenKEJtiĝo en februaro de 2024, do ŝajne li nun denove liberas.

Vidu ankaŭ

• Esperanta Teatro
• 82a Hispana Kongreso de Esperanto

Eksteraj ligiloj

• Persona retejo
• Fotaro
• Neciklopedio
• BET-59: Konatiĝu kun Arno Lagrange, artikolo en La Ondo de Esperanto aperinta 2024-09-25 (esperante)