Balaŝiĥo

Balaŝiĥao
Flago	Blazono
Administrado
Ŝtato	Rusio
Regiono	Moskva provinco
Poŝtkodo	143900
Aŭtokodo	50, 90, 150, 190
Telefona antaŭkodo	+7 495 52, 498
Kodo laŭ OKATO	46 404
En TTT	Oficiala retejo [+]
Politiko
Urbestro	Jurij Maksimov
Demografio
Loĝantaro	235 336 (2013)
Loĝdenso	6 078 loĝ./km²
Geografio
Geografia situo	55° 48′ N, 37° 57′ O (mapo)55.837.95Koordinatoj: 55° 48′ N, 37° 57′ O (mapo)
Alto	150 m
Areo	72 km²
Horzono	Moskva tempo (UTC+4)
	Balaŝiĥo en Moskva provinco
	Situo de Balaŝiĥao
Alia projekto
	Vikimedia Komunejo Balashikha [+]
	v • d • r

Balaŝiĥo (ruse Балашиха) estas urbo en Moskva provinco de Rusio kaj administra centro de urba municipo Balaŝiĥo (la lasta konsistas el la urbo Balaŝiĥo kaj kelkaj vilaĝoj). Balaŝiĥo situas proksime al la orienta limo de Moskvo; ĝi estas la plej granda urbo de Moskva provinco: en 2013 ĝi havas 235 336 loĝantojn^[1].

Balaŝiĥo situas ĉe rivero Peĥorka kaj ĝia eta alfluanto Gorenka apud aŭtomobila magistralo M7 "Volgo" Moskvo — Vladimir — Niĵnij Novgorod — Kazano — Ufa. En la urbo estas fervojo: parto de linio Moskvo — Vladimir kaj eta branĉa linio ĝis centro de la urbo.

Nomo[redakti | redakti fonton]

Ekzistas multaj versioj pri tio de kio devenis la nomo de la urbo:

la nomo devenas de tjurka lingvaro; "bala" povas signifi "ido";
titoligo de persona nomo "Balaŝ"^[2]; eble, estis nomo de tatara komercisto;
en rusaj dialektoj "balaŝiĥa" (балаши́ха) estas kampo, glata surfaco;
deveno de antaŭe ekzistinta tie muelejo^[3] aŭ de familinomo de ĝia posedanto (Bloŝin/Bloĥin)^[4];
nomigita de antikva survoja gastejo (ruse постоялый двор, malnove parolata "balaŝ")^[4].

Historio[redakti | redakti fonton]

Teritorio de la urbo Balaŝiĥo jam en la 10-a jarcento estis loĝata de orient-slavaj popoloj.

La nuntempa urbo teniĝas laŭ Vladimira vojo, laŭ kiu en la 19-a jarcento piediris malliberigitoj el Moskvo al Siberio; ĝis la loko Gorenki (nun apartenanta al Balaŝiĥo) ilin akompanis iliaj parencoj kaj amikoj.

En 1830 en Balaŝiĥo estis organizita tukfabriko. La fabrikado disvastigiĝis, kaj en 1928 Balaŝiĥo akiris statuson de urbotipa loĝloko; ekde 1939 ĝi estas urbo^[5].

En la urba municipo Balaŝiĥo estas kelkaj historiaj bienoj: Peĥra-Jakovlevskoje, Gorenki; kelkaj bienoj konserviĝis nun iomete.

Loĝantaro[redakti | redakti fonton]

Laŭ rezultoj de la unua tutrusia popolnombrado en 1897 sur teritorio en nuntempa Balaŝiĥo vivis: en Bloŝino — 800, en Nikolajevskaja Sloboda — 277, en Zeljonaja Roŝĉa — 190, en Peĥra-Jakovlevskoje — 704, en Gorenki — 247, en Maksino — 92, en Peĥra-Pokrovskoje — 701, en Lukino — 738 homoj.

Loĝantaro de Balaŝiĥo laŭ jaroj:

Jaro	Kvanto da loĝantoj
1926	8 000
1931	8 600
1939	29 000
1959	57 600
1967	74 000
1977	100 000
1986	130 000
1989	135 000
1992	137 600
1996	134 800
1998	134 400
2002	148 000
2006	182 800
2010	215 494
2013	235 336

Nun Balaŝiĥo apartenas al Moskva aglomeraĵo kaj estas granda urbo-satelito de Moskvo. Ĝia loĝantaro elkreskis pro amasa loĝejkonstruado.

Lenin-avenuo
Strato Sovetskaja
Bikovskij-strato

Urba municipo Balaŝiĥo[redakti | redakti fonton]

Urba municipo Balaŝiĥo en Moskva provinco

Urba municipo Balaŝiĥo estas municipa unuo de Moskva provinco. Ĝi okupas areon 218.59 km²^[6] kaj konsistas el 13 loĝlokoj; plej grava el ili estas urbo Balaŝiĥo, la aliaj estas vilaĝoj Djatlovka, Novij Milet, Pavlino, Pestovo, Poltevo, Purŝevo, Rusavkino-Popovŝĉino, Rusavkino-Romanovo, Soboliĥa, Fedurnovo, Fenino, Ĉornoje. La municipo aperis en 2005 el estinta distrikto Balaŝiĥo de Moskva provinco. En 2013 urba municipo Balaŝiĥo havas 245,2^[1] loĝantojn (el ili 96% estas loĝantoj de la urbo Balaŝiĥo).