Bazilisko (mitologio)
Bazilisko (el malnova greko βασιλίσκος / basilískos tradukebla kiel Reĝeto) estas fabela fikcia reptilio tre danĝera por homoj.
Trajtoj
La formo kaj potenco de tiu imaga besto varias laŭ la origino de la legendoj. Tamen, kelkaj trajtoj similas en ĉiuj:
En antikvaj legendoj, se bazilisko ekvidas iun, kiu ne vidas ĝin, ĝi povas mortigi tiun per sia nura rigardo. Ĝi ankaŭ povas forpreni ies vivon per sia elspiraĵo kies odoro estas neelteneble naŭza, kaj eĉ pereigi homon per haŭta kontakto ĉar ĉiuj ĝiaj skvamoj estas saturitaj je mortiga veneno, kiu estas sen antidoto. La nura rimedo por sin defendi kontraŭ tiu monstro estas uzi ĝiajn proprajn mortigilojn kontraŭ ĝi mem, kiel ekzemple svingi spegulon antaŭ ĝia rigardo por ke la mortigaj radioj reflektiĝu kaj atingu la atakanton. Onidire, la odoro de Mustelkato aŭ la kokeriko de Koko ankaŭ povas venki la baziliskon.
Tiu fabela estaĵo bildigas laŭ kelkaj la reĝa potenco[Kontrolenda lingvaĵo] kiu povas laŭvole decidi je ies estonteco per senparola riproĉrigardo. Ĝi ankaŭ personigas la mortiga minaco[Kontrolenda lingvaĵo] kiun oni ne povas antaŭeviti sen la protekto de favora anĝelo (religia kromsignifo)
Laŭ la poeto Nikandro kiu vivis en la 2-a jarcento a.K. en Kolofono, temas pri malgranda serpento kun brilanta haŭto.
Fikcie
- Voltaire mencias baziliskon en la 16-a ĉapitro de sia verko Zadigo.
- En Hari Poter kaj la Ĉambro de Sekretoj, Lordo Voldemorto ŝanĝiĝis en giganta bazilisko[Kontrolenda lingvaĵo] por mortigi Harion. Ĝi havas flavan kaj mortigan okulon.
- Eĉ se oni ne aludas la vorton "bazilisko", kreitaĵo kun tre similaj potencoj aperas en la videoludo Neverwinter Nights.
- En la surtabla rolludo Ĉefturoj kaj Drakoj, la baziliskaj potencoj konsistas el ŝtonigi ĉiujn aliajn kreitaĵojn (krom la malmortintoj) per nura rigardo.