Belén Rueda

Belén Rueda
Persona informo
Naskonomo	María Belén Rueda García-Porrero
Naskiĝo	16-an de marto 1965 (1965-03-16) (59-jaraĝa) en Madrido
Lingvoj	hispana vd
Ŝtataneco	Hispanio vd
Familio
Edz(in)o	Daniel Écija vd
Profesio
Okupo	aktoro • televida prezentisto • modelo • teatra aktoro • filmaktoro vd
Aktiva dum	1990– vd
Honorigoj Honorigoj Golden Nymph for Outstanding Actress in a Comedy TV Series • Goya Award for Best New Actress • Barcelona Film Award for Best Actress • Sitges Grand Honorary Award vd
vd	Fonto: Vikidatumoj

María Belén Rueda García-Porrero, plej ofte konata kiel Belén RUEDA (Madrido, 16a de marto 1965),​ estas hispana aktorino kaj prezentistino de televido. Ŝia kinkariero inkludis Mar adentro (2004), per kiu ŝi ricevis la premion al plej bona novula aktorino en la 19a ceremonio de la Goya-premioj, kaj poste ŝi pluigis per El orfanato (2007), Los ojos de Julia (2010) kaj Perfectos desconocidos (2017).

Biografio kaj kariero

Ŝi debutis kiel prezentistino kun José Luis Moreno en la programo VIP Noche, kaj poste kun Emilio Aragón. Poste ŝi saltis al la kanalo Antena 3 kiel prezentistino en la programoj La ruleta de la fortuna, T'ha tocao kaj Sin ir más lejos. Poste ŝi revenis al Telecinco, por debuti kiel televida aktorino, unue en la serio Médico de familia, ludante fotistinon Clara, kiu poste translokiĝis al la serio Periodistas, en kiu ŝi estis dum kvar jaroj protagonistino.

Poste ŝi partoprenis kiel kunprotagonisto en Los Serrano en la rolo de Lucía Gómez Casado, virino kiu edziĝas al iama amanto post la separiĝo disde sia edzo, rezulte en la kunigo de ambaŭ familioj en hejmo de Madrido. En tiu serio ŝi restis el 2003 ĝis 2007, kun granda populara sucekso. Dume ŝi premierigis la filmon Mar adentro en 2004 per rolo de Julia, pro kiu ŝi ricevis la Goya-premion al la plej bona novula aktorino. En januaro 2007, ŝi debutis en teatro per la verko Closer, pro kio ŝi forlasis definitive Los Serrano.

En oktobro 2007 ŝi premierigis El orfanato, reĝisorita de Juan Antonio Bayona kaj kunprotagonistigita kun Fernando Cayo, Geraldine Chaplin kaj Roger Príncep. El orfanato estis elektita por reprezenti Hispanion en la Oskar-premioj de 2008, sed finfine ĝi ne estis elektita inter la kvin finalanoj. Ŝi tiukadre atingis ankaŭ duan nomumon al Goya-premio, por la unua fojo kiel plej bona protagonista aktorino, kaj ripetis kandidatiĝon per terurfilmo, Los ojos de Julia, en 2010.

Ŝi estis protagonista ankaŭ de la dramo El mal ajeno en 2008, de la trilero El cuerpo en 2012 kaj aliris ankaŭ en animacia kino per sia voĉo en la rolulo de Gloria, en la unua kaj dua partoj de la sagao Madagascar. En 2013, ŝi aperis en Ismael, en kiu ŝi ludis la rolon de Nora kaj en la psikologia trilero Séptimo, kun Ricardo Darín. Ŝi estis ankaŭ protagonistino de la serio de Antena 3 Luna, el misterio de Calenda dum siaj du sezonoj. Poste el 2014 kaj ĝis 2015 ŝi ludis la rolon de Candela, vicestrino de primoda gazeto, en la serio de Telecinco B&b, de boca en boca en ties du sezonoj.

En 2016 ŝi ludis la rolon de Claudia en la serio La embajada de Antena 3, kun granda sukceso en la unua ĉapitro, sed poste malaltiĝo kaj nuligo de la serio. Post unu jaro ŝi partoprenis en la filmo Perfectos desconocidos de Álex de la Iglesia, kiu iĝis la hispana filmo plej vidita tiun jaron. Poste ŝi protagonistis la filmon de Telecinco Cinema nome El Cuaderno de Sara kaj la terurfilmo No dormirás, krom partopreno en la filmoj El pacto kaj Durante la tormenta, ĉiuj premieritaj en 2018.

Filmoj

Jaro	Filmo	Rolulo	Reĝisoro
2004	Mar adentro	Julia	Alejandro Amenábar
2005	Madagascar	Gloria (voĉo)	Eric Darnell kaj Tom McGrath
2006	Savage Grace	Pilar Durán	Tom Kalin
2007	El orfanato	Laura García Rodríguez	Juan Antonio Bayona
2008	8 citas	Elena	Peris Romano kaj Rodrigo Sorogoyen
	Madagascar 2: Escape de África	Gloria (voĉo)	Eric Darnell kaj Tom McGrath
2009	Spanish Movie	Laura	Javier Ruiz Caldera
2010	Los ojos de Julia	Julia Levin	Guillem Morales
	El mal ajeno	Isabel	Oskar Santos
2011	No tengas miedo	Patrino	Montxo Armendáriz
2012	El cuerpo	Mayka Villaverde	Oriol Paulo
2013	Ismael	Nora	Marcelo Piñeyro
	Séptimo	Delia	Patxi Amezcúa
2016	La noche que mi madre mató a mi padre	Isabel París	Inés París
2017	Órbita 9	Silvia	Hatem Khraiche
	Perfectos desconocidos	Eva	Álex de la Iglesia
2018	El cuaderno de Sara	Laura	Norberto López Amado
	No dormirás	Alma Böhn	Gustavo Hernández
	Durante la tormenta	Doctora Sardón	Oriol Paulo
	El pacto	Mónica	David Victori
2019	El silencio de la ciudad blanca	Alba Díaz de Salvatierra	Daniel Calparsoro
2021	La familia perfecta	Lucía	Arantxa Echevarría
2023	Fenómenas	Sagrario	Carlos Therón
	La ermita	Carol	Carlota Pereda

Televidaj serioj

Jaro	Titolo	Rolulo	Kanalo	Notoj
1997	Médico de familia	Clara Nadal	Telecinco	5 epizodoj
1998 - 2002	Periodistas		Telecinco	114 epizodoj
2001	7 vidas	Ana Hacha	Telecinco	1 epizodo
2003 - 2008	Los Serrano	Lucía Gómez Casado	Telecinco	102 epizodoj
2010	La princesa de Éboli	Ana de Mendoza de la Cerda	Antena 3	2 epizodoj
2011	El barco	Leonor	Antena 3	3 epizodoj
2012 - 2013	Luna, el misterio de Calenda	Sara Cruz	Antena 3	20 epizodoj
2014 - 2015	B&b, de boca en boca	Candela Bermejo Lago	Telecinco	29 epizodoj
2016	La embajada	Claudia Cernuda Sanramón	Antena 3	11 epizodoj
2020 - 2021	Madres. Amor y vida	Marián Ballesteros Díaz	Prime Video	34 epizodoj
2023	El grito de las mariposas	Pilar Macías	Star+	13 epizodoj

Eksteraj ligiloj

• en imdb
• Belén Rueda ĉe Instagram.

• En tiu ĉi artikolo estas uzita traduko de teksto el la artikolo Belén Rueda en la hispana Vikipedio.