Belle & Sebastiano: la aventuro daŭriĝas
| Belle & Sebastiano: la aventuro daŭriĝas | |
|---|---|
| filmo | |
| Originala titolo | Belle et Sébastien, l'aventure continue |
| Originala lingvo | franca lingvo |
| Kina aperdato | 2015, 28 jan. 2016, 17 nov. 2016 |
| Ĝenro | porinfana filmo, aventura filmo, drama filmo, filmo bazita sur romano, porfamilia filmo |
| Reĝisoro(j) | Christian Duguay |
| Scenaro | Fabien Suarez • Juliette Sales |
| Loko de rakonto | Francaj Alpoj |
| Muziko de | Armand Amar |
| Rolantoj | Félix Bossuet • Tchéky Karyo • Thierry Neuvic • Margaux Chatelier • Urbain Cancelier |
| Produktinta firmao | Gaumont |
| IMDb | |
Belle & Sebastiano: la aventuro daŭriĝas - france Belle et Sébastien: l’aventure continue, titolo germana Sebastian und die Feuerretter, Sebastiano kaj la fajrosavistoj - estas franca drama filmo de 2015. Temas pri la dua filmo el trilogio nomata Belle & Sebastiano. Reĝisoro estis Christian Duguay, kaj la ĉefaj aktoroj estas granda blankfela pirenea monta hundino kaj la tiutempe 10-jaraĝa knabo Félix Bossuet.
Temo
[redakti | redakti fonton]En septembro 1945, en ŝafista bieno apud Sankta Marteno, fikcia vilaĝo Saint Martin en la Francaj Alpoj, la 10-jaraĝa knabo Sebastiano kaj la maljunulo César atendas la revenon de Angelina, kiu pasigis la lastajn jarojn de la milito kiel soldatino en Anglio. Sed anstataŭe ili ricevas la novaĵon ke la aviadilo kraŝis ĉe la itala limo kun motorpaneo, forbrulis tute, kaŭzis arbaran incendion kaj ekzistas neniu espero de pluvivantoj.
César estas fervora ke la serĉo estis malĝusta kaj ŝatus vidi la scenon de la akcidento kun Sebastiano mem. Por fari tion, aliflanke, ili bezonas helpon de la kvazaŭa patro de Sebastiano, piloto nomita Pierre Marceau kiu vivas ne malproksime. La nomo estas sur medaljono kiun la patrino de Sebastiano, Lisa, kunportis kaj kiun César poste konservis. César ne apreze pensas pri Pierre, kiu lasis Lisa sola en la montoj kiam ŝi estis tre graveda. Pierre, aliflanke, scias nenion pri Sebastiano, kaj la duopo jesas ne rakonti al li pri sia patreco por nun.
Pierre estas tre malestima. Kontraŭvole, li akceptas monon de César por gvatflugo super la kraŝloko, sed rifuzas kunporti la du kaj ekflugas sola iom poste. César tro malfrue ekkomprenas ke Sebastiano kaŝis sur la aviadilo kun sia granda blankfela pirenea monta hundino Belle.
Kiam Pierre vidas la forbruligitan vrakon kaj la ardantan incendion ĉe la loko de la akcidento, li konsideras ajnan plian serĉon sencela kaj volas returni. Tiam Sebastiano vidas oranĝkoloran fumon leviĝi de pli alta rokkamentubo, kiu ne povas veni de tiu ĉi fajro. Li estas fervora ke tio estis signalo de Angelina, malkaŝiĝas kaj petegas Pierre por serĉi ŝin tie. Post kiam Pierre rifuzas, Sebastiano prenas la radon en malespero. La rezultinta tumulto kondukas al kraŝalteriĝo sur la bordon de lago. La mekanikisto de César kaj Pierre aŭdas fragmentojn de tio per la radio, nur tiom, ke César ekiras piede kaj kunportas la mekanikiston – temos pri tritaga vojaĝo. Ili kuras tage kaj nokte.
Ĉar Pierre nur volas ripari la aviadilon, Sebastiano kaj Belle faras sian propran vojon al la fendeto en la montoj. Kiam ili ne revenas vespere, Pierre kuras post ili kaj atingas ilin. Li akiris respekton por la kuraĝo kaj persistemo de Sebastiano kaj ofertas al li piediri kune al la fendeto, sed ne plu. Sebastiano konsentas. Poste, Pierre rekonas la medaljonon kiun Sebastian portas ĉirkaŭ sia kolo kaj lernas ke li ricevis ĝin de sia patrino. Li rimarkas, ke Sebastiano povus esti lia filo, sed tio igas lin sufiĉe nesekura kaj dum longa tempo li ne havas aliron al ĉi tiu nekutime obstina kaj sendependa knabo.
La venontan tagon, Belle forkuras al bruna urso de kiu infano surgrimpis arbon por kaŝi sin, kaj malgraŭ la supereco de la urso la hundo forpelas lin. La infano prezentas sin al ili kiel Gabriele kaj estas parto de migranta grupo de arbohakistoj. Fakte, ĝi estas knabino nomata Gabriella, sed ŝi volas esti konsiderata knabo inter la arbohakistoj. Ili kune atingas la tendaron de la lignohakistoj, kie stariĝis ankaŭ granda teamo de fajrobrigado kaj savservo. Angelina ne estas inter la vunditaj homoj tie traktitaj. Aliflanke, Sebastiano nun estas perforte malhelpita daŭrigi serĉadon ĉar la fajro estas tro proksima kaj la situacio estas tial tre danĝera.
La venontan nokton, Sebastiano kaj Gabriele sekrete faras sian vojon al la fendeto kun Belle. Ne sciante ke la vento ŝanĝiĝis, ili estas kaptitaj per la fajro, sed savitaj fare de Pierre, kiu kuris post ili. Kune ili atingas la fendeton kaj baldaŭ trovas sin antaŭ abismo. Sebastiano descendas malsupren per ŝnuro kaj trovas la soldatinon, ĉe la fino de ŝia forto sed daŭre vivanta. Dum ilia savo, la arbara fajro atingas la fendeton, fumo kaj flamoj enverŝantaj. Kun la helpo de Belle, ili trovas duan elirejon kaj mallarĝe evitas la fajron.
La arbohakistoj helpas kun la aviadilriparoj. César kaj la mekanikisto nur atingas la lokon de la kraŝa alteriĝo baldaŭ post la ekflugo kaj devas fari la reveturon piede.
Post la lasta parto de la aventuro, Sebastiano akceptas Pierre kiel sian patron. Reen en Saint Martin, li kondukas lin al la tombo de Lisa ĉe la malgranda montkabano. Pierre jam diris al Sebastiano en la arbohakista tendaro, ke li tute ne forlasis Lisa. Kiel romaoj ŝi ne rajtis havi rilaton kun franco, ili devis renkontiĝi sekrete ĝis iutage ŝia familio pluiris kaj Pierre ne povis trovi Lisa malgraŭ longa serĉado. Li sciis nenion pri ŝia gravedeco. Kiam Angelina alvenas, Sebastiano lasas la duopon solaj.
Notoj kaj referencoj
[redakti | redakti fonton]La ĉapitro Temo verkiĝis precipe laŭ la germana teksto en versio de la 7-a de majo 2023, kiu tiam estis pli ampleksa ol la franclingva kaj plej multaj aliaj versioj.
Eksteraj ligiloj
[redakti | redakti fonton]
- Belle & Sebastiano: la aventuro daŭriĝas en Interreta filma datumbazo (angle)
- komenca sceno de la germanlingva versio en Jutubo
- 2-minuta prezento de la aviadaj scenoj france same en Jutubo
- privata retejo pri la diversaj filmigoj de Belle & Sebastiano kun multaj informoj (france, resume en kvar minutoj)