Brita Astronomia Asocio
| Brita Astronomia Asocio | ||
|---|---|---|
| volontula asocio • neprofitcela organizaĵo • karitata organizaĵo | ||
| Komenco | 1890 vd | |
| Lando(j) | Unuiĝinta Reĝlando (Britio) vd | |
| Sidejo | Piccadilly | |
| Agareo |
astronomio | |
| Retejo | Oficiala retejo | |
| Jura formo | volontula asocio | |
La Brita Astronomia Asocio (angle British Astronomical Association, akronime BAA) estas volontula, karitata kaj neprofitcela organizaĵo, kiu fukncias kiel la ĉefa nacia asocio de amatoraj astronomoj en Britio.
Historio kaj priskribo[redakti | redakti fonton]
La asocio estis fondita en Londono en 1890 de amatoraj kaj profesiaj astronomoj por disponigi bazon por ĉiuj homoj interesitaj pri astronomio, sendepende de socia statuso kaj precipe sekso. De la komenco, virinoj, kiuj nur povis aliĝi al la Reĝa Astronomia Societo en 1915, ludis ĉefrolon. Annie SD Maunder (1868-1947), la edzino de kunfondinto Edward Walter Maunder (1851-1928), funkciis kiel redaktisto de la Journal of the British Astronomical Association dum multaj jaroj [1][2].
Hodiaŭ la celo estas subteni astronomiajn observaĵojn en areoj kiuj ne povas esti kovritaj de profesiaj observatorioj. La BAA ankaŭ organizas observkampanjojn en specialaj okazoj kiel ekzemple sunaj kaj lunaj eklipsoj aŭ pasadoj de Venuso.
La asocio estas organizita en diversaj sekcioj kiuj specialiĝas pri malsamaj aspektoj de astronomio. Ĝi estas la fondinto kaj sponsoro de la Kampanjo por Malhelaj Ĉieloj, kiu kontraŭbatalas kreskantan lumpoluadon [3].
La asocio okazigis ĉiumonatajn renkontiĝojn en Londono, sed ankaŭ establis kelkajn regionajn filiojn por servi membrojn kiuj ne povis fari ĝin tie. La unua estis la Nordokcidenta Delegacio, bazita en Manĉestro [4]. La dua delegacio estis establita en Skotlando en 1894, kun ĉefsidejo en Glasgovo [5].
Membroj ricevas la Journal of the British Astronomical Association dumonatan membrecrevuon, observan gvidilon, ĉiujaran manlibron (kun diagramoj kaj astronomiaj okazaĵoj), kaj aliron al renkontiĝoj kaj la kolekto de la asocio de libroj kaj ekipaĵo.
Sekcioj[redakti | redakti fonton]
Por evoluigi ĝian sciencan agadon, la BAA estas nuntempe strukturita en 18 sekciojn:
- Suno
- Luno
- Merkuro kaj Venuso
- Marso
- Jupitero
- Saturno
- Kometoj
- Meteoroj
- Aŭroroj
- variaj steloj
- Asteroidoj kaj Eksteraj Planedoj
- Profunda Firmamento
- Radioastronomio
- Kalkulo (datrevenoj)
- Robotteleskopoj (kun teleregilo)
- Malhelaj ĉieloj
- Historio
- Instrumentado
Fontoj[redakti | redakti fonton]
- History of Astronomy: An Encyclopedia, Routledge, 1996, (ISBN 1-55002-208-3), https://archive.org/details/lookinguphistory0000brou
- Sidgwick, J. B. (1981), Amateur astronomer's handbook, Dover Publications, (ISBN 0-486-24034-7)
Referencoj[redakti | redakti fonton]
- ↑ Maunder, E. Walter; Maunder, T. Frid (October 1890), "Circulars issued by the Provisional Committee", Journal of the British Astronomical Association 1: 17–19
- ↑ Bruck, M. T. (September 1991), "Companions in Astronomy- Margaret Lindsay Huggins and Agnes Mary Clerke", Irish Astronomical Journal 20 (2): 75
- ↑ Marriott, R. A. (December 2007), "The BAA observatories and the origins of the instrument collection", Journal of the British Astronomical Association 117 (6): 309–313
- ↑ "North-Western Branch, Manchester", Journal of the British Astronomical Association 2 (5): 248–252, February 1892
- ↑ "West of Scotland, Glasgow", Journal of the British Astronomical Association 5 (3): 148, February 1892