Christian August Vulpius

El Vikipedio, la libera enciklopedio
Saltu al: navigado, serĉo
Vulpius, bofrato de Goeto

Christian August VULPIUS (naskiĝinta la 23-an de januaro 1762 en Vajmaro, mortinta samloke la 25-an de junio 1827 estis germana verkisto.

Vivo[redakti | redakti fonton]

Vulpius studis en Jena kaj Erlangen kaj vivis poste diversloke. Por povi nutri sin li baldaŭ devigitis verkadi. Goeto, kies amrilato kun ties fratino Christiane Vulpius tie komenciĝis en 1788, longan tempon vane klopodis peri al Christian August bonan postenon.

Li fariĝis en 1797 registristo, en 1806 bibliotekisto en Vajmaro. Tie li verkis la romanon «Rinaldo Rinaldini» (Leipzig 1798, 3 vol.), kiu estis tradukita en multajn lingvojn kaj iĝis modelo por nenombreblaj rabistaj romanoj. Ĝi estis pligrandigita fare de Doeger je 4-a volumo titolita: «Nikanor, der Alte von Fronteja» (1858). Krome Vulpius verkis diversajn komikajn kaj mezepokajn romanojn kaj kelkajn negravajn dramojn respektive operajn tekstojn. Vulpius estis entombigita en la Historia tombejo vajmara.

Fonto[redakti | redakti fonton]

Meyers Großes Konversations-Lexikon, Band 20. Leipzig 1909, p. 278, kio legeblas tie ĉi.

Eksteraj ligiloj[redakti | redakti fonton]