Damiano Bedni

El Vikipedio, la libera enciklopedio
Salti al navigilo Salti al serĉilo
foto el 1920

Demjan BEDNIJ (t.e Demjan Malriĉa ruse Демья́н Бе́дный) estas pseŭdonomo de fama soveta verkisto Jefim Aleksejeviĉ PRIDVOROV (ruse Ефи́м Алексе́евич Придворов), kiu naskiĝis la 13-an de aprilo n.s. 1883 en Gubovka, Ĥersona gubernio, Rusia Imperio, mortis la 25-an de majo 1945 en Moskvo.

ĉi-dome la verkisro loĝis. Moskvo,Tverskaja str.,8

Li ekaktivis en la bolŝevika partio ekde 1912 kaj engaĝiĝis en la revolucia batalo sur la arta flanko, interalie per verkado de draste kontraŭreligiaj poemoj. Li ĝuis certan favoron de la stalina reĝimo ĝis 1932, sed poste ekhavis kelkajn problemojn pro denuco fare de lia sekretario.

Li sukcesis reakiri la subtenon de la regantaro, sed en 1936 denove iĝis kritikata pro la publikigo de la komika opero Bogatiri, (eposa heroo), juĝita nekonforma al tiamaj kriterioj pri laŭdado de la tradicia rusa patriotismo. La verko tiam estis forigita el la programo de ĉiuj sovetaj teatroj.

Rete legebla poemo[redakti | redakti fonton]

Eksteraj ligiloj[redakti | redakti fonton]

Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.