Davangere

Davangere
urbo en Barato vd
Administrado
Poŝtkodo	577002
Demografio
Geografio
Geografia situo	14° 28′ N, 75° 55′ O (mapo)14.46666666666775.916666666667Koordinatoj: 14° 28′ N, 75° 55′ O (mapo) [+]
Alto	604 m [+]
Areo	77 km² (7 700 ha) [+]
Horzono	UTC+05:30 [+]
	Davangere (Karnatako)
	Situo de Davangere
	Davangere (Barato)
	Situo de Davangere
Alia projekto
	Vikimedia Komunejo Davangere [+]
	v • d • r

Davangere, laŭ kanare ದಾವಣಗೆರೆ estas urbego, sidejo de la samnoma distrikto Davangere en subŝtato Karnatako en sudokcidenta Barato.

Geografio

Davangere situas sur altebenaĵo en centro de la subŝtato en alteco 603 metrojn de la marnivelo. Hubli-Dharwad troviĝas 130, subŝtata ĉefurbo Bengaluro 243,Mumbajo 601, tutlanda ĉefurbo Delhio 1582, Kolkato 1591 kilometrojn (aere) [1].

Demografio

En 2011 populacio de Davangere estis 435 125 (preskaŭ metropolo). La legopovo estas 85%.

Historio

Davangere estis sensignifa vilaĝo ĝis reganto de Majsuro levis la lokon administrejo en la 18-a jarcento. Tio allogis komercistojn kaj Davangere iĝis grava komerca centro kun rapida kresko. En la 19-a jarcento la britoj establis la kotonindustrion, kiu daŭre estas la plej grava industrio ankaŭ hodiaŭ. La urbeto ricevis statuson de municipo jam en 1870, denove en 1951, fine rajto pri urba korporacio en 2007. La distrikto estis kreita en 1997, nature la sidejo iĝis Davangere. La urbego travivis religiajn tumultojn en la 1990-aj jaroj.

Ekonomio

Davangere estas kotonnabo konata antaŭe kiel la Manĉestro de Karnatako. En la ĉirkaŭaĵo la agrikulturo produktas helpe de irigacioj.

Trafiko

La plej proksima enlanda flughaveno funkcias en Hubli, la internacia en Mangaloro. La ĉieaj aŭtorikiŝoj liveras la pasaĝerojn ene de la urbego. Ankaŭ ŝtataj kaj privataj aŭtobusoj trafikas. Al la urbego kuras vojoj el ĉiuj direktoj. La fervoja stacidomo estis konstruita dum la brita periodo kaj estis renovigita lastatempe. Ĝi estas sufiĉe oportune situanta en la urbocentro.