Eŭrovido-Kantokonkurso 1956

La 1-a Eŭrovido-Kantokonkurso okazis la 24-an de majo 1956 en Lugano (Svislando). Ĝi estis prezentata en la Teatro Kursaal de Lohengrin Filipello. La venkantino estis Lys Assia (Svislando) kun kanto Refrain.

Sep landoj (Belgio, Francio, Italio, Germanio, Svislando, Luksemburgio kaj Nederlando) partoprenis. Ĉiu lando prezentis du kantojn. Svislando sendis unu kantistinon kiu prezentis du kantojn (Lys Assia), kiel Luksemburgo (Michèle Arnaud).

Daŭrintaj maksimume 3 minutojn kaj 30 sekundojn, la kantoj devis esti prezentataj sen danci kaj per unu artisto aŭ artistino. Grupoj aŭ paroj ne estis permesataj. Orkestro de 24 personoj ludis muzikon, la artistoj kantis direkte.

Finalo

Numero	Lando	Artisto	Kanto	Traduko
1	Nederlando	Jetty Paerl	De vogels van Holland	La birdoj de Holando
2	Svislando	Lys Assia	Das alte Karussell	La malnova karuselo
3	Belgio	Fud Leclerc	Messieurs les noyés de la Seine	Sinjoroj dronintoj en la Sejno
4	Germanio	Walter Andreas Schwarz	Im Wartesaal zum großen Glück	En la atendejo por la granda feliĉo
5	Francio	Mathé Althéry	Le temps perdu	La perdita tempo
6	Luksemburgio	Michèle Arnaud	Ne crois pas	Ne kredu
7	Italio	Franca Raimondi	Aprite le finestre	Malfermu la fenestrojn
8	Nederlando	Corry Brokken	Voorgoed voorbij	Pasinta por ĉiam
9	Svislando	Lys Assia	Refrain	Refreno
10	Belgio	Mony Marc	Le plus beau jour de ma vie	La plej bela tago de mia vivo
11	Germanio	Freddy Quinn	So geht das jede Nacht	Tiel estas ĉiun nokton
12	Francio	Dany Dauberson	Il est là	Li estas tie
13	Luksemburgo	Michèle Arnaud	Les amants de minuit	La amantoj de noktomezo
14	Italio	Tonina Torrielli	Amami se vuoi	Amu min se vi volas

Juĝistaro

Juĝistaro de 14 personoj (du el ĉiu lando) elektis sekrete la venkintinon. Ĉiu juĝisto povis ankaŭ elekti artiston de sia lando – regulo ne mem pensebla hodiaŭ.
Oni diras ke Luksemburgio ne volis sendi juĝistojn en Svislandon kaj ke ĝi petis Svislandon helpi kun du svisaj juĝistoj kiuj anstataŭis Luksemburgion en la juĝistaro. Ĉi-tio povus esti la kaŭzo de la venko de Lys Assia. Oni scias nek la kvanton de poentoj de Lys Assia nek la vicojn de la aliaj partoprenantoj ĉar la rezultoj de la juĝistara balotado estis detruitaj tuj poste.

Faktoj

• Danujo, Britio kaj Aŭstrio ne povis partopreni ĉar ili preterpasis la daton pri la aliĝo.
• La duono da la kantoj (sep) estis en franca lingvo.
• La nederlanda kantistino Corry Brokken gajnis la sekvontan konkurson en 1957.

Ligoj

• (en) (fr) Oficia paĝo de la Eŭrovido-kantokonkurso