Edi Rama
Edi RAMA (naskiĝis la 4-an de julio 1964 en Tirano, do nun 53-jara) ekde la jaro 2006 estas gvidanto de la Socialista Partio de Albanio, kiu ĝis baloto de la 23-a de junio 2013 estis plej granda opozicia partio en Albanio; sekve de tiu baloto, kiun venkis lia partio, li estas la venonta ĉefministro de Albanio. Antaŭe Edi Rama estis nacia ministro de kulturo, junularo kaj sportoj de 1998 ĝis 2000 kaj urbestro de la nacia ĉefurbo Tirano de 2000 ĝis 2011. Edi Rama gajnis la baloton de junio 2013 pri la parlamento de Albanio, venkante Sali Berisha, lian ĉefan konkuranton.
