Elsau

El Vikipedio, la libera enciklopedio
Salti al navigilo Salti al serĉilo
Elsau
Blazono de Elsau
Rivero Eulach inter Schottikon kaj Räterschen
Kantono Zuriko
Distrikto Vinterturo
Koordinatoj  47°30′23″N 8°48′11″O  /  47.50639°N, 8.80306°O / 47.50639; 8.80306 (Elsau)Koordinatoj: 47°30′23″N 8°48′11″O  /  47.50639°N, 8.80306°O / 47.50639; 8.80306 (Elsau)
Nombro de enloĝantoj 3242
Areo 8,06 km²
Alteco 498 m super marnivelo
Poŝtkodo 8352
Komunumkodo 0219
Mapo de Elsau
v  d  r
Information icon.svg

Pri la komunumo[redakti | redakti fonton]

Elsau estas komunumo en la distrikto Vinterturo, Kantono Zuriko, Svislando. Ĝi havis 3242 loĝantojn je la 31-a de decembro 2007.

Geografio[redakti | redakti fonton]

Elsau situas en la Eulachvalo oriente de Vinterturo. Al la komunumo apartenas la vilaĝoj Elsau, Räterschen, Rümikon, Ober-Schottikon, Unter-Schottikon, Fulau, Unter-Schnasberg, Ober-Schnasberg kaj Tolhusen.

Najbaraj komunumoj[redakti | redakti fonton]

Norde ĝi limas al Wiesendangen kaj Bertschikon, oriente al Elgg kaj Hofstetten kaj sude al Schlatt ZH.

Trafiko[redakti | redakti fonton]

Stacidomo Räterschen

Sur la teritorio de la komunumo Elsau troviĝas du stacidomoj, nome en la municipoj Räterschen kaj Schottikon. Ili situas sur la trajnlinio de Vinterturo al Fraŭenfeld kaj estas servitaj de la privata fervojkompanio THURBO, kiu apartenas al la Zurika Trafik-Unio. La ceteraj municipoj de Elsau estas servitaj per la poŝtaŭtobuslinio 680 al Vinterturo.

Historio[redakti | redakti fonton]

Apud Tolhusen estis trovitaj restaĵoj de romia bieno.

La unua dokumenta mencio de la municipoj Rümikon kaj Schottikon datiĝas el la jaro 829. La unua dokumenta mencio de Elsau kiel Elnesouva el la jaro 1043. En mezepoko Elsau apartenis al la Grafoj de Kiburgo kaj poste al la Habsburgoj. Kune kun la urbo Vinterturo Elsau fariĝis en la jaro 1462 posedaĵo de la urbo Zuriko.

En la jaro 1922 la municipoj Unter-Schottikon kaj Ober-Schottikon estis integritaj en la komunumon Elsau.

Eksteraj ligiloj[redakti | redakti fonton]

  • Kunlaboru en Commons Komunejo proponas multimediajn dosierojn al temo sub la gloso Elsau