Emeterio

Sankta
Emeterio
Persona informo
Naskiĝo	ĉ. 270 en Calahorra
Morto	3-a de marto 298 en Calahorra
Mortis per	senkapigo [#]
Ŝtataneco	Roma regno [#]
Familio
Gefratoj	Celedonio [#]
Profesio
Okupo	militisto [#]
Sanktulo
Honorata en	Katolika eklezio
Patroneco	urboj Santandero kaj Calahorra
[#]	Fonto: Vikidatumoj

Sankta Emeterio (mortis la 3-an de marto 298) estis romia soldato kiu estis senkapigita pro sia kredo en kristanismo. Li estas konsiderita martiro fare de la Katolika Eklezio kaj, kun Sankta Celedonio, patrono de la urbo Santandero (Kantabrio) kaj de Calahorra, en Rioĥo, kie eble li mortis.

Emeterio kaj Celedonio, eble fratoj, servis en tiu rioĥa urbo fine de la 3-a jarcento; ĉu dum la persekutado fare de Diokleciano ĉu en tiu de Valeriano ili estis enprizonigitaj kaj devigitaj ĉu rezigni sian fidon ĉu abandoni la militservon. Ili estis torturitaj kaj finfine senkapigitaj en la sablejo de la rivero Cidacos ekster Calahorra, kie poste oni konstruis la nunan katedralon en Calahorra; pro tio ĝia stranga loko ekster la muregoj de la urbo. La legenda rakonto asertas, ke la kapoj de la sanktuloj alvenis al la urbo Santandero (Kantabrio) pere de ŝtona boato (ofta legendo) kaj ili estis garditaj fare de tiea komunumo de monaĥoj.