Gerda malaperis!

Gerda Malaperis!
	Gerda Malaperis!
Aŭtoro	Claude Piron
Eldonjaro	1983
Urbo	Ŝapekoo
Eldoninto	Fonto
Paĝoj	48
	v • d • r

Gerda Malaperis estas originale esperantlingva romano verkita en 1983 de Claude Piron el Svislando. Eldonis ĝin Fonto, Brazilo.

La libro estas eble la plej fama instrua rakonto en Esperanto. Ĝi estas plene de simplaj dialogoj el ĉiutage uzataj vortoj kaj taŭgas por plibonigi la konon de Esperanto ĉe lernantoj. La rakonto temas pri junaj amikoj kaj mistera forkapto de tradukistino. Aldone ekzistas vortolistoj en diversaj lingvoj.

Samnivele la libreto Lasu min paroli plu ankaŭ verkita de Claude Piron, estas disponebla. Ĝi uzas, ĉapitron post ĉapitro, la samajn gramatikaĵojn kaj vortprovizon kiel Gerda malaperis, sed en tute alia kunteksto.

Eldonoj

La libro estis verkita por kurso, kiun Claude Piron gvidis en San-Francisko en 1981. Eble oni eldonis la tekston tiam. Jen Enrique raportas pri eldono de ELNA kun la titolo "Basic Esperanto Course" kaj formato "275 x 214 mm x 158 paĝoj": https://groups.google.com/forum/#!topic/esperanto-stanford/SkxQHSz5_oY

Chapecó: Fonto, 1983. 48 paĝoj. Rozkolora kovrilo sen bildo. Proksimume A5.

Chapecó: Fonto, [ĉ. 1987]. 48 paĝoj. Laŭ la katalogo de Esperantomuzeo kaj Kolekto por Planlingvoj.

Fonto, [sen jaro]. 56 paĝoj. Blua kovrilo kun nigra desegnaĵo de sceno kun flegistino kaj Tom. Proksimume A5. Kovrila desegno de Franĉjo Veuthey.

Bonn: Germana Esperanto-Junularo, [1992]. 48 paĝoj. Dato ne estas indikita. Blanka kovrilo sen bildo. Proksimume A5. Ŝajne represo de la iu Fonto-eldono kun la adreso de Germana Esperanto-Junularo aldonita per alia tiparo, sed ĝi ne estas represo de la eldono de 1983 aŭ de la eldono kun blua kovrilo, do eble de la eldono de ĉirkaŭ 1987.

Bonn: Germana Esperanto-Junularo, 1994. "2-a represo". Laŭ pluraj mencioj en la reto.

Impeto, 1994. 48 paĝoj. ISBN 5-7161-0005-8. Rozkolora kovrilo sen bildo. Laŭ: http://impeto.trovu.com/lerniloj/gerda1

Impeto, 2004. 56 paĝoj. ISBN 5-7161-0112-7. "2-a eldono". Kovrilo havas kolorajn bildojn sur blanka fono. Laŭ: http://impeto.trovu.com/lerniloj/gerda2, http://impeto.trovu.com/images/E-bibliografio.pdf

Chapecó: Fonto, [2006]. 62 paĝoj. Dato ne estas indikita. Kovrilo havas koloran bildon de Gerda, Petro kaj Ralf en la forlasita domo. Proksimume A5. Kovrila ilustraĵo de Samicler.

Disponebla

Libre

La libro estas mendebla tra multaj kanaloj — ĉe la UEA libroservo aŭ ĉe la landaj organizoj.

Interrete

Kurso por franclingvanoj ĉe Esperanto-Jeunes
Kurso por itallingvanoj kun interagaj ekzercoj Arkivigite je 2011-07-22 per la retarkivo Wayback Machine
la filmo ĉe YouTube

Tiu verko estas (tute aŭ parte) entenata en la rete alirebla Tekstaro de Esperanto.

Diske

La projekto surbendigi ĝin el la libro estis kreita en la ŝtato São Paŭlo de Brazilo, sed voĉe partoprenis ankaŭ esperantistoj el aliaj landoj, kiel Pollando kaj Ĉinio. Ĉiuj povas aĉeti ĝin per la reto kaj ankaŭ aŭskulti la unuajn partojn de la rakonto per la lerna retpaĝo Lernu.

Filme

Per ĉi tiu filmo oni celis krei utilan, efikan ilon por la lernado de la lingvo. Tiel ekis la projekto en Minas Gerais, ŝtato de Brazilo.

Ĝi estis lanĉita en julio 2006, dum la inaŭguro de la 91-a Universala Kongreso, en Florenco, Italio.

Vidu ankaŭ

Gerda malaperis (filmo)

Eksteraj ligiloj

Portalo pri Lingvo