Komence de la 21-a jarcento per administraj reformoj iom post iom pligrandiĝis la urba teritorio, per integrigo de iuj antaŭe tre malgrandaj ĉirkaŭaj komunumoj, kies sendependa administrado kaŭzis tro altajn kostojn. Tiel interalie la 1-an de oktobro 2009 aldoniĝis la loĝloko Wildenhain kaj komence de 2010 la loko Zabeltitz.
En la komunumo naskiĝis Péter Zabeler (n. ĉ. 1578, m. en 1645), kiu post jardekoj estis hungara luterana episkopo. Krome tie vivis la laborista esperantisto Otto Lauckner (n. 1901, m. nekonata).[1]
