Gustaw Holoubek

El Vikipedio, la libera enciklopedio
Salti al navigilo Salti al serĉilo
Gustaw Holoubek
Holoubek.jpg
Persona informo
Naskiĝo 21-an de aprilo 1923 (1923-04-21)
en Krakovo, Flag of Poland (1919–1928).svg Pollando
Morto 6-an de marto 2008 (2008-03-06) (84-jara)
en Varsovio, Flag of Poland.svg Pollando
Tombo Tombejo Powązki en Varsovio
Ŝtataneco Pollando
Alma mater Ludwik Solski Academy for the Dramatic Arts
Familio
Edz(in)o Magdalena Zawadzka • Danuta Kwiatkowska
Infano Jan Holoubek *1978
Profesio
Profesio filmreĝisoro • universitata profesoro • teatra aktoro • filmaktoro • teatra reĝisoro
Information icon.svg
vdr
Gustaw Holoubek (kun mikrofono) kun Tadeusz Konwicki

Gustaw Teofil HOLOUBEK [GUStaf hoLOŬbek] (naskiĝis la 21-an de aprilo 1923 en Krakovo, mortis la 6-an de marto 2008 en Varsovio) estis pola teatra kaj filma aktoro, reĝisoro kaj pedagogo, deputito de la Sejmo de Pola Popola Respubliko kaj senatano.

Order of White Eagle Poland-Order Star.jpg
Gustaw Holoubek estas kavaliro de la Ordeno de la Blanka Aglo, la plej alta ŝtata honorigo de la Pola Respubliko.

Vivo[redakti | redakti fonton]

Li estis filo de ĉeĥo setlinta en Pollando post la 1-a mondmilito kaj edziĝinta kun polino de Krakovo. En 1939 Gustaw Holoubek volontule iĝis soldato kaj servis en la 2-a mondmilito. Malliberigita de germanoj restis en militkaptejoj en Magdeburg kaj Toruń. Estis liberigita en 1940. Dum la mallibereco li malsaniĝis je ftizo kaj pro ĝi suferis dum multaj jaroj. Ĝis 1945 Holoubek laboris en krakova gasfabriko.

Post la milito li finstudis en 1947 en Ŝtata Dramlernejo en Krakovo. Inter 1949 kaj 1956 li estis arta ĉefo, reĝisoro kaj aktoro de la Silezia Teatro en Katowice.

Li instruis en la Teatra Akademio en Varsovio kaj dum multaj jaroj estis direktoro de la Dramteatro en Varsovio. En 1983 pro konflikto kun tiutempaj aŭtoritatoj Holoubek estis maldungita.

Lia filma debuto estis rolo de Feliks Dzerĵinskij en la filmo Żołnierz zwycięstwa ("Venka soldato", 1953). Li ludis en pli ol 50 filmoj, inter alie en popularaj Rękopis znaleziony w Saragossie ("Manuskripto trovita en Saragossa"), Sanatorium pod klepsydrą ("Sanatorio ĉe klepsidro") kaj Prawo i pięść" ("Juro kaj pugno").

En 1967 Holoubek ludis la rolon de Gustaw-Konrad en la teatraĵo "Dziady" en la Nacia Teatro en Varsovio. Pro patriotisma signifo de la teatraĵo, en 1968 oni decidis ĝin ne plu ludi. Tio kaŭzis protestojn de studentoj kaj komencis tiel nomatajn martajn eventojn (kontraŭreĝimaj protestoj kaj politika krizo).

En 1976 kaj 1980 li iĝis deputito de la Sejmo. En 1982 li rezignis de tiu funkcio pro komenciĝo de la eksterordinara, milita stato (administracio estis subordigita al la armeo). Inter 1989 kaj 1991 li estis senatano de jam demokrata ŝtato. En la jaroj 1992 kaj 1993 li laboris en la Konsilantaro pri Kulturo ĉe la prezidento Lech Wałęsa.

Ekde 1994 estis membro de Pola Akademio pri Scioj. Dufoje honorigita per la Kavalira Kruco de Ordeno de Pollanda Renaskiĝo.