Harriet Tubman

El Vikipedio, la libera enciklopedio
Jump to navigation Jump to search
Harriet Tubman, fotita de H. Seymour Squyer ĉ. 1885

Harriet TUBMAN (naskiĝinta kiel Araminta ROSS ĉ. 1822 &ndash mortinta la 13-an de marto 1913) estis usona virino. Ŝi naskiĝis en sklaveco en kantono Dorchester, Marilando, Usono. En 1849 ŝi eskapis al Filadelfio. De tiam ĝis la Usona Enlanda Milito (1861-1865) ŝi helpis multajn aliajn sklavojn (unue, la proprajn familianojn, kaj poste aliajn) eskapi el sklaveco al libereco en norda Usono kaj precipe Kanado. Dum la milito ŝi aliĝis al la usona armeo, kie ŝi laboris komence kiel kuiristino kaj flegistino, poste kiel armita skoltino kaj spiono. Komence de junio 1863 ŝi gvidis armean taĉmenton, kiu atakis la pramejon ĉe la rivero Combahee en Sud-Karolino, liberigante pli ol 700 sklavojn. Tio estis la unua fojo, kiam virino estris armeanojn en batalo dum tiu milito. Post la milito, ŝi pasigis la ceteron de la vivo ĉe bieno en Auburn, Nov-Jorkio, kiun ŝi aĉetis. Ŝi estis aktiva dum la maljunaĝo en la movado por la virina balotrajto. En aprilo 2016, la Usona Ministro pri la Kaso anoncis ke Tubman anstataŭos Prezidanton Andrew Jackson sur la 20-dolara banknoto.

Fontoj[redakti | redakti fonton]

Bazita sur la angla Vikipedio.