Hedvigo de Silezio

El Vikipedio, la libera enciklopedio
Saltu al: navigado, serĉo
Sankta Hedvigo, Malsupra Bavarujo ĉ. 1410–1420

Sankta Hedvigo de Silezio naskiĝis en la jaro 1174 en Andechs kaj mortis la 15-an de oktobro 1243 en Trebnico. Ŝi estis dukino de Silezio, edzino de la pola princo Henryk la 1-a Brodaty el la dinastio de la Piastoj kaj estas venerata kiel sanktulino en la katolika eklezio. Ŝia memortago estas la 16-a de oktobro.

Venerado[redakti | redakti fonton]

Sankta Hedvigo estis entombigita en la monaĥeja preĝejo de Trebnico. Ŝi estis deklarita sanktulino en la 1267a jaro. Restaĵoj de ŝi troviĝas interalie en la monaĥejo Andechs, en la Katedralo je la nomo de Sankta Hedvigo en Berlino kaj en la preĝejo je la nomo de Sankta Gangolfo en Heinsberg.

Sankta Hedvigo estas patrono de Silezio kaj Andechs, de la episkopujo Görlitz, de la urboj Görlitz kaj Berlino kaj de la katedralo je ŝia nomo en Berlino.

Post la Dua Mondmilito la forpelitaj silezianoj portis la veneradon de Sankta Hedvigo en siajn novajn paroĥojn. Ŝi simbolas la perditan hejmlandon.