Hedwig Rosenbaum

El Vikipedio, la libera enciklopedio
Hedwig Rosenbaum
Hedwig Rosenbaumová (1864-1939).jpg
Persona informo
Naskonomo Hedwig Austerlitz
Naskiĝo 3-an de julio 1864 (1864-07-03)
en Prago
Morto 31-an de julio 1939 (1939-07-31) (75-jara)
en Prago
Lingvoj germanaangla
Ŝtataneco Aŭstrio-HungarioĈeĥoslovakio
Familio
Frat(in)o Robert M. Austerlitz
Edz(in)o Siegfried Raabe-Jenkins
Okupo
Okupo tenisisto
Wikidata-logo.svg
Information icon.svg
vdr

Hedwig ROSENBAUM (naskiĝis Hedwig Austerlitz en 1864, ekde 1909 havis la nomon Hedwig Raabe, jide העדוויג ראזענבוים, latinliterigite Hedvig Razenbojm) estis tenisistino el Bohemio komence de la 20-a jarcento.

Ŝi estas en la analoj de sia sporto pro siaj du bronzaj medaloj akiritaj en unuopaĵoj kaj pare (kun la brito Archibald Warden) ĉe la somera Olimpiko 1900 en Parizo.

Hedwig Rosenbaum estis de germana juda deveno kaj vivis en Prago dum sia tuta vivo. Ŝi apartenis al la unua generacio de Prago kiu ludis tenison. Almenaŭ ekde 1894 ŝi ludis en unuopaj, duobloj kaj miksitaj turniroj en Cisleithania kaj Germanio por la Praha Lawn Tennis Club. En 1899 Rosenbaum estis numero 5 en la aŭstra nacia listo. En la sama jaro ŝi venkis en turniro en Berlino.

En 1900, Rosenbaum partoprenis en la duaj Somera Olimpiko en Parizo kiel privatulo el Prago je sia propra elspezo por vojaĝoj, loĝado kaj enirkotizoj. Ŝi apartenis nek al la bohema, nek al la ĉeĥa, nek al la aŭstra delegacio. Postokaze ŝi deklariĝis esti la unua virino kiu iam reprezentis Bohemion kaj Aŭstrio-Hungarion ĉe la Olimpikoj, gajnante du bronzajn medalojn. En la individua teniskonkurso, ŝi perdis en la duonfinalo al la onta arĝentmedalistino Yvonne Prévost de Francio per 6-1, 6-1 poentoj. En la miksita konkurso ŝi ludis kune kun brito Archibald Warden. La du estis batitaj en la duonfinalo, ilia dua matĉo. Ili perdis al la francino Yvonne Prévost kaj la brito Harold Mahony per 6-3, 6-0 poentoj. La rezultoj de ambaŭ paroj kalkuliĝas inter la miksitaj teamoj en olimpika historio.

En 1904 ŝi gajnis la titolon de la bohema ĉampiono kaj de vica aŭstra ĉampiono. Post tio ŝi retiriĝis de turniroj pro aĝo.

Ŝi estis ĝenerala direktoro kaj estrarano de la Klubo de Germanaj Artistinoj en Prago (Klub deutscher Künstlerinnen en Prago) ekde ties fondiĝo en 1905.[1] Dum la unua mondmilito, Hedwig Raabe laboris kiel flegistino. Poste ŝi provizore laboris en la eldonejo de sia nevo Heinrich Mercy (filo) kaj prizorgis metiistan vendejon ekde 1921. Ŝi tradukis sportlibrojn, teatraĵojn kaj romanojn el la angla en la germanan por pragaj gazetoj kaj germanaj eldonejoj.

Referencoj[redakti | redakti fonton]