Ifigenio en Taŭrido

Ifigenio en Taŭrido^[1]^[2] estas dramo en 5 aktoj de Johann Wolfgang von Goethe laŭ la antikva tragedio de Eŭripido. El la germana ĝin tradukis L. L. Zamenhof. La 108-paĝa libreto aperis en Parizo ĉe Hachette en la jaro 1908. En tiu sama jaro ĝi estis surscenejigita de Emanuel Reicher (1849-1924), el Teatro Lessing en Berlino, unu el la plej famaj aktoroj de tiu tempo. Inter aliaj profesiuloj rolis ankaŭ lia filino Hedwiga Reicher (1884-1971).

Recenzoj

„ Traduko speciale farita por la teatra prezentado dum la Kvara Universala Kongreso. Tie ĉi, kiel en Hamleto, du geniuloj renkontiĝis. ”

— 1908, Lingvo Internacia, paĝo 381

Tiu verko estas (tute aŭ parte) entenata en la rete alirebla Tekstaro de Esperanto.

Eldono 1908
Eldono 1921
Eldono 1929
Sur karikatura bildkarto (~1913) de LKK-ano por la 4-a UK, D-ro Arnhold, videblas en la statuo de Ifigenio la vizaĝo de Hedwiga Reicher.