János Feketeházy

János Feketeházy [jAnoŝ feketehAzi], laŭ hungarlingve kutima nomordo Feketeházy János estis hungara inĝeniero.

János Feketeházy

Tabulo pri János Feketeházy

János Feketeházy [1] naskiĝis la 16-an de majo 1842 en Hungara reĝlando en Vágsellye (nuntempa Šaľa en Slovakio). Li mortis la 31-an de oktobro 1927 en sia naskiĝloko jam nomata Šaľa en Ĉeĥoslovakio.

Biografio

János Feketeházy frekventis universitaton en Vieno, poste en Zuriko, kie li akiris inĝenieran diplomon en 1866. Komence li havis inĝenierajn taskojn en Vieno, poste li havis postenon en Budapeŝto en Hungaraj Ŝtatfervojoj. Li projektis ŝtalajn strukturojn. Ĝis 1912 li projektis ĉiujn fervojajn pontojn en Hungarlando. Post la pensiuliĝo li retiriĝis al sia naskiĝloko. En 1923 pro akcidento li perdis siajn piedojn.

Spite la sukcesajn projektojn li neniam ricevis premiojn. Li havis edzinon, kiu naskis trifoje.

Elektitaj projektoj

• tegmenta strukturo de Universitato Corvinus de Budapeŝto (1870-74)
• fervoja ponto en Budapeŝto (1873–76)
• tegmenta strukturo de Stacidomo Keleti (1884)
• tegmenta strukturo de Budapeŝta Ŝtata Operejo (1884)
• fervoja ponto de Szolnok
• pontoj de Szeged, Komárom (1891–1892), Esztergom (1893–1895)
• Ponto Szabadság (1894–1896)

Memorigiloj

• hungara domo en sia naskiĝloko [2]
• busto en Szeged (2008) [3]

Fontoj

• hungarlingva biografio
• hungarlingva biografio
• hungarlingva biografio kun foto
• hungarlingva biografio kun foto Arkivigite je 2016-03-06 per la retarkivo Wayback Machine