Khato

El Vikipedio, la libera enciklopedio
Salti al navigilo Salti al serĉilo
Honorite gasto kun khato (ceremonia blank koltuko) kaj teo dum la Jartunga Festivalo de Mustang, Nepalo, la 18an de aŭgusto 2008.
Honorite gasto kun khato (ceremonia blanka koltuko) kaj teo dum la Jartunga Festivalo de Mustang, Nepalo, la 18an de aŭgusto 2008.

Khato (tibete: ཁ་བཏགས་; dzonke: བཀབ་ནས kapni, mongole: хадаг IFA: [χɑtɑk], nepale: खदा khada[1]) estas tradicia ceremonia koltuko (ŝalo) en la tibeta budaismo. Ĝi devenas el la tibeta kulturo kaj estas kutima en kulturoj kaj landoj kie la tibeta budaismo estas praktikata.

La khato simbolas purecon kaj kompaton kaj estas portata aŭ prezentata kun incenso ĉe multaj ceremoniaj okazoj, inkluzive naskiĝojn, geedziĝojn, enterigojn, diplomiĝojn kaj la alvenon aŭ foriron de gastoj. Ĝi estas kutime farita de silko. Tibetaj khatoj estas kutime blankaj, simbolante la puran koron de la donacanto, kvankam estas tre kutima trovi ankaŭ flav-orajn khatojn .[2][3]

Tibetaj, nepalaj kaj butanaj khatoj montras la aŝtamalgalon.

Ekzistas ankaŭ specialaj multkoloraj khatoj. Mongola khato estas kutime blua, simbolante la ĉielon. En Mongolio, khatoj estas ankaŭ ofte ligitaj al obooj, stupaoj aŭ specialaj arboj kaj ŝtonoj.

Vidu ankaŭ[redakti | redakti fonton]

Hiĝabo

Referencoj[redakti | redakti fonton]

  1. (en) Sanjib Chaudhary, Many See Ethnicity-Based Discrimination in Nepali Ministry’s Ban on Using an Imported Holy Scarf (Multaj vidas diskriminacion bazitan sur etneco en la malpermeso fare de la nepala ministerio pri la uzado de importita 'sankta koltuko'), Global Voices, a 13n de septembro 2016, alirite la 7an de novembro 2019.
  2. . Khata/Tibet "roof of the world". Oracle ThinkQuest Education Foundation. Alirita 2010-02-04.
  3. "Ethnic Culture Thrives After Sichuan Quake", China Daily, 2012-05-10. Kontrolita 2012-05-15.