Koenraad Tinel
| Koenraad Tinel | |
|---|---|
| |
| Persona informo | |
| Naskiĝo | 31-an de marto 1934 (90-jaraĝa) en Gento |
| Ŝtataneco | Belgio |
| Okupo | |
| Okupo | skulptisto • desegnisto • scenografo • aŭtoro • kostumdezajnisto • kreinto |
| TTT | |
| Retejo | https://www.koenraadtinel.be/ |
Koenraad Tinel (naskiĝis la 31-an de marto 1934 en Gent) estas belga skulptisto, desegnisto kaj grafikisto. Li kreas miksitajn artoprojektojn kies temoj inkludas interalie Eŭropon kaj la milithistorion ĉirkaŭ la Dua Mondmilito.
Vivo[redakti | redakti fonton]
Li estas filo de artema familio kiu simpatiis kun nazia Germanio. Lia frato estis ĉe la Waffen SS en Ukrainio[1]. Liaj spertoj kiel infano dum la Dua Mondmilito, kiu trenis lian familion en grandega danĝero, igas lin plurfoje rememori la hororon de milito, tiam kaj nun.
Kvankam li estis talenta pianisto, la juna Koenraad volis fariĝi bildartisto. Li studis skulptarton ĉe la artlernejo La Cambre en Bruselo. Li majstris ĉiujn metalprilaborteknikojn kaj komencis sian propran forĝejon en 1963. En 1971 li ĉesis forĝi por dediĉi sin plene al libera skulptado kaj desegnado. Ĝis 1999 Tinel instruis ankaŭ en arta altlernejo en Bruselo (Sint-Lukas Hogeschool, nun LUCA School of Arts).
Li laboris kiel scienca desegnisto ĉe la Reĝa Instituto de Natursciencoj en Bruselo.
Verkaro[redakti | redakti fonton]
Lia desegna talento ŝajnas esti escepta kaj belgaj galerioj ankaŭ reklamas lian laboron eksterlande. Li faras grafikajn novelojn en inko aŭ bistro, pentraĵojn en guaŝo kaj akvarelojn. La artisto ĉefe laboras kun paletro de nigraj kaj brunaj, okraj kaj teraj kolornuancoj[2].
Grafikaj noveloj[redakti | redakti fonton]
Li ilustris literaturajn verkojn de interalie Isaak Babel, Isaak Bashevis Singer, Paul Celan kaj Joseph Roth (ilustraĵoj por la libro Charleston op de vulkaan : reportages uit Albanië en Italië). Tra la jaroj li ankaŭ kunlaboris kun kolegaj muzikistoj, dramaturoj kaj verkistoj.
Pro la kulposento kiun li spertis malgraŭ ke li ne respondecas pri la konduto de famianoj, formiĝis proksima amikeco inter li kaj Simon Gronowki, belga juddevena humanisto kiu sciis eskapi la deportadon de belgaj judoj[3][4].
Ili ambaŭ, kune kun David van Reybrouck, verkis la libron "Enfin libérés : ni victime ni coupable" (Finfine liberigite: nek viktimo, nek kulpa), kiu temas pri ilia pasinteco. Ĝi kombinas tekston de Gronowski kun desegnaĵoj de Tinel. La du viroj nun prelegas por gejunuloj kaj liveras mesaĝon de espero kaj feliĉo, pruvante la fortegan povon de pardono[1].
Ankaŭ la opero PUSH de la brita komponisto Howard Moody, kiu havis sian belgan premieron en 2019 ĉe la operejo De Munt en Bruselo, kunigas la rakontojn de Simon Gronowski kaj Koenraad Tinel en odo al pardono kaj omaĝo al la vivo[5][6][7].
Publikaĵoj[redakti | redakti fonton]
- nederlande Koenraad Tinel: sculpturen, tekeningen, Kritak, 1992
- nederlande BRGL, Leysbroek, 2001, ISBN 9789080580510
- nederlande Apocalyps, Leysbroek, 2005, ISBN 9789080580534
- nederlande Skeletvrouw een Inuitverhaal met tekeningen (Skeletvirino, rakonto pri inuitoj kun desegnaĵoj), Leysbroek, 2006
- nederlande Inkt, Leysbroek, 2006, ISBN 9789080580558
- nederlande IJzeren Hans, Leysbroek, 2007
- nederlande Scheisseimer : getekende herinneringen aan een oorlog, Uitgeverij Lannoo, 2009, ISBN 9789401419512
- nederlande Flandria Catholica, Uitgeverij Peeters, 2010, ISBN 9789042925021
- nederlande Eddy, DWB, 2011[8]
- nederlande VertelGenkVertel, Stichting Kunstboek, 2013, ISBN 9789058564535
- france Enfin libérés: ni victime ni coupable, traduko al la nederlanda: Eindelijk bevrijd. Geen schuld, geen slachtoffer, Uitgeverij Hannibal, 2013, ISBN 9789491376405
- nederlande Verhalen van het Pajottenland, Uitgeverij Atlas-Contact, 2013, ISBN 978-9025441364
- Silent Navigations, Leysbroek, 2015
- Koenraad Tinel, Crux, MER, Paper Kunsthall, 2017
- nederlande UDSJUEN - Koenraad Tinel, Lannoo, 2019, ISBN 9789401461634
- nederlande Tinel tekent Babel en Singer, uitg. Oogachtend, 2022, ISBN 9789492672551
Skulptaĵoj[redakti | redakti fonton]
_(2011-06-27_11-07-17).jpg)
Tinel elstaras je metalkreaĵoj,ofte en formo imagitaj estaĵoj, altigitaj al (mita) arto, kaj partoprenas en artaj eventoj per imponaj ekspoziciaĵoj. La foriranta persono estas io, kio videblas multe en liaj verkoj, ĉar li mem devis multe forkuri.
Liaj skulptaĵoj traktas kopulacion. Aliaj skulptaĵoj ofte prezentas erotismon, patrinon, naskiĝon, balenojn kaj fiŝojn, genitalojn aŭ la virinon[2].
Unu el liaj skulpturaĵoj ("Memento", Lennik) estas odo al ĉiu persono kiu iĝis viktimo de milito, ĉar li mem spertis la horrojn de milito en Germanio. Ankaŭ en Lennik estis inaŭgurita la 6-an de septembro 1992, "Prins, de Trots van Brabant" (Princo, la fiereco de Brabanto) kiu estis la plej granda bronza statuo en Belgio en la 20-a jarcento[9].
Honoroj[redakti | redakti fonton]
Koenraad ricevis honordoktorecon de la Libera Universitato de Bruselo[10] en 2020 kaj estas honora civitano en Galmaarden. En 2020 li ricevos kune kun sia amiko Simon Gronowski honoran doktorecon de la Bruselaj universitatoj VUB kaj ULB[11]. Li ankaŭ iĝis honora civitano de la flandra municipo Galmaarden.
Referencoj[redakti | redakti fonton]
- ↑ 1,0 1,1 nederlande De ene ontsnapte aan de Holocaust, de ander is de zoon van een nazi, Radio 1, la 22-an de februaro 2019
- ↑ 2,0 2,1 nederlande Interviews met hedendaagse kunstenaars, Interview met Koenraad Tinel, hildevancanneyt.blogspot.com, 2017
- ↑ nederlande Portret van Koenraad Tinel, VUB
- ↑ nederlande Lucas Vanclooster, "Embrace", een kunstwerk over de vriendschap van een telg uit een nazi-familie met een joods slachtoffer, arkivo, vrtnws.be, la 26-an de oktobro 2018
- ↑ nederlande Erik Van Eycken, Koenraad Tinel exposeert in Dijledonk: “Het klikte met de locatie”, Het Nieuwsblad, la 5-an de septembro 2021
- ↑ france Une représentation unique et symbolique de l’opéra Push, basé sur l’histoire de Simon Gronowski, en Flandre, RTBF.be, la 30-an de septembro 2021.
- ↑ angle Belgian Holocaust survivor acts out his story on stage to mark 90th birthday, REUTERS, la 4-an de oktobro 2021.
- ↑ JJ Pollet (2011-12-21). Beeldverhaal Koenraad Tinel in de nieuwe DW B – Ooteoote (Bildstrio Koenraad Tinel en la nova DW B – Ooteoote) (nederlande). Ooteoote. Arkivita el la originalo je 2024-04-18. Alirita 2024-04-18.
- ↑ nederlande Geert Vanhassel, Duizenden Lennikenaren vieren 25ste verjaardag van ‘Prins, Trots van Brabant’, RingTV, la 11-an de septembro 2017.
- ↑ nederlande VUB deelt gelijktijdig vijf eredoctoraten uit, Belga, la 6-an de februaro 2020
- ↑ nederlande Koenraad Tinel is ereburger van Galmaarden, Persinfo, la 30 de marto 2022.
Eksteraj ligiloj[redakti | redakti fonton]
angle, nederlande Oficiala retejo
angle Koenraad Tinal, WorldCat