Krato el Tebo
Vidu ankaŭ: Krato el Ateno| Krato el Tebo | ||
|---|---|---|
| ||
| Persona informo | ||
| Naskiĝo | 365 a. K. en Tebo | |
| Morto | 285 a. K. en Beotio | |
| Tombo | Beotio  vd
| |
| Lingvoj | antikva greka vd | |
| Ŝtataneco | Tebo vd
| |
| Familio | ||
| Patro | Ascondus (en)  vd
| |
| Gefratoj | Pasicles of Thebes (en) vd
| |
| Edz(in)o | Hiparĥia vd
| |
| Infanoj | Pasicles (en) vd
| |
| Profesio | ||
| Okupo | filozofo vd
| |
| Laborkampo | Filozofio, cinikismo kaj literatura aktiveco vd
| |
| Aktiva en | Antikva Grekio vd | |
Filozofo 
| ||
| vd | Fonto: Vikidatumoj | |
Krato el Tebo (en la greka: Κράτης; ĉ 365 a.K. - ĉ 285 a.K.) estis greka filozofo.
Vivo
[redakti | redakti fonton]Krato naskiĝis en Tebo, en Beotio (Meza Grekio). Komence li studis filozofion en Ateno kaj estis influita de la filozofiaj instruoj de Stilpono de Megara, kiu okupiĝis ĉefe pri logiko kaj dialektiko.
Krato iĝis unu el la plej cinikaj filozofoj influitaj fare de Diogeno la cinika kiu estis lia instruisto. Estas dirite, ke li perdis sian posedaĵon kiel rezulto de la invado de Makedonio al Grekio. Sed li ŝajne metis sian posedaĵon je la dispono de bankisto kaj diris al li: "Se miaj filoj estas malsaĝuloj, donu ĝin al ili, kaj se ili fariĝos filozofoj, donu ĝin al la malriĉuloj."
Krato predikis kontraŭ la seksa permeseco de sia tempo kaj diris, "Malsato estas kuraco por amo." Li dediĉis sian vivon al kultivado de virtoj, kaj elektis vivon de vagado, malriĉeco kaj senigo, celibato kaj abstinado pro memdisciplino. Lia studento Hiparĥia enamiĝis al li, minacante fari memmortigon se ŝiaj riĉaj gepatroj ne permesis al ŝi geedziĝi kun li. Li provis malinstigi ŝin de ĉi tiu plano ĵetante sian vojaĝsakon ĉe ŝiaj piedoj kaj dirante al ŝi: "Ĉi tio estas mia tuta trezoro. Pensu zorge pri viaj agoj." Ŝi decidis forlasi sian riĉan hejmon kaj aliĝi al la Krato en sia vaganta vivo. Ilia vivo kune fariĝis simbolo de lojaleco kaj amo spite al la sociaj konvencioj kaj la komunaj sintenoj de lia samtempuloj.
Laŭ Diogeno Laertio, Krato skribis kelkajn epistolojn pri filozofiaj temoj, mallongan poemon kaj kelkajn filozofiajn teatraĵojn, sed neniu el tiuj konserviĝis. La graveco de Krato estas ke li simbolas la transiron de la cinikaj filozofoj al la stoikisma skolo. La studento de Krato estis Zeno el Kitiono, la fondinto de la stoika skolo.
